Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі шешімдерді қабылдау қағидаларын, сондай-ақ жиналыс хаттамаларының үлгілік нысандарын бекіту туралы Қазақстан Республикасы Индустрия және инфрақұрылымдық даму министрінің м.а. 2020 жылғы 30 наурыздағы № 163 бұйрығына өзгерістер мен толықтырулар енгізу туралы
Қазақстан Республикасы Өнеркәсіп және құрылыс министрінің 2025 жылғы 22 қыркүйектегі № 380 бұйрығы
БҰЙЫРАМЫН:
1. Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі шешімдерді қабылдау қағидаларын, сондай-ақ жиналыс хаттамаларының үлгілік нысандарын бекіту туралы Қазақстан Республикасы Индустрия және инфрақұрылымдық даму министрінің м.а. 2020 жылғы 30 наурыздағы № 163 бұйрығына (Нормативтік құқықтық актілерді мемлекеттік тіркеу тізілімінде № 20283 болып тіркелген) келесі өзгерістер мен толықтырулар енгізілсін:
Тақырып мынадай редакцияда жазылсын:
«Кондоминиум объектісін басқару жөніндегі шешімдерді қабылдау қағидаларын, сондай-ақ пәтерлердің, тұрғын емес үй-жайлардың, көппәтерлі тұрғын үйлердің меншік иелері жиналыстары хаттамаларының үлгілік нысандарын және кондоминиум объектісін басқару жөніндегі айлық және жылдық есептердің нысандарын бекіту туралы»;
1-тармақ мынадай редакцияда жазылсын:
«1. Бекiтiлсiн:
1) осы бұйрыққа 1-қосымшаға сәйкес кондоминиум объектісін басқару бойынша шешімдер қабылдау қағидалары;
2) осы бұйрыққа 2-қосымшаға сәйкес пәтерлердің, тұрғын емес үй-жайлардың, көппәтерлі тұрғын үйлердің меншік иелері жиналыстары хаттамаларының үлгілік нысандары;
3) осы бұйрыққа 3-қосымшаға сәйкес кондоминиум объектісін басқару жөніндегі айлық және жылдық есептердің нысандары.»;
Көрсетілген бұйрықпен бекітілген кондоминиум объектісін басқару және ортақ мүлікті күтіп ұстау бойынша шешімдер қабылдау қағидалары осы бұйрыққа 1-қосымшаға сәйкес жаңа редакцияда жазылсын;
