Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы
Қазақстан Республикасы Ауыл шаруашылығы министрінің м.а. 2018 жылғы 23 шілдедегі № 317 бұйрығы
(2025.28.10. берілген өзгерістер мен толықтырулармен)
Осы редакция 2026 ж. 1 қаңтарға дейін қолданылған редакция
«Қазақстан Республикасында Еуразиялық экономикалық одақтың және үшінші елдердің өндірушілері үшін ауыл шаруашылығы техникасын және жабдық сатып алу бағдарламасына қатысуының тең жағдайларын қамтамасыз ету туралы» Еуразиялық Үкіметаралық Кеңестің 2021 жылғы 20 тамыздағы № 9 Өкімін қараңыз
ҚР Ауыл шаруашылығы министрінің 2020.01.08. № 243 бұйрығымен (бұр.ред.қара); 2023.29.11. № 409 бұйрығымен (2023 ж. 10 желтоқсаннан бастап қолданысқа енгізілді) (бұр.ред.қара) кіріспе жаңа редакцияда
«Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасы Заңының 6-бабы 1-тармағының 15) тармақшасына, «Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына және «Мемлекеттік көрсетілетін қызметтер туралы» Қазақстан Республикасы Заңының 10-бабы 1) тармақшасына сәйкес БҰЙЫРАМЫН:
1. Қоса беріліп отырған Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидалары (бұдан әрі - Қағидалар) бекітілсін.
2. Мыналардың:
1) «Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау қағидаларын бекіту туралы» Қазақстан Республикасы Премьер-Министрінің орынбасары - Қазақстан Республикасы Ауыл шаруашылығы министрінің 2017 жылғы 1 ақпандағы № 48 бұйрығының (Нормативтік құқықтық актілерді мемлекеттік тіркеу тізілімінде № 14816 болып тіркелген, 2017 жылғы 7 наурызда Қазақстан Республикасы Нормативтік құқықтық актілерінің эталондық бақылау банкінде жарияланған);
