Қазақстан Республикасы
Ұлттық экономика министрі
міндетін атқарушының
2015 жылғы 29 шілдедегі
№ 573 бұйрығына 6-қосымша
ҚР Ұлттық экономика министрінің 2020 жылғы 23 қыркүйектегі № 65 бұйрығымен күші жойылды
Кәбілдік кәрiздерді мүлiктiк жалдауға (жалға) немесе пайдалануға беру саласындағы табиғи монополиялар
субъектілерінің тұтынушыларға
қызметтер көрсету стандарты
(2018.10.12. берілген өзгерістер мен толықтырулармен)
ҚР Ұлттық экономика министрінің 2018.10.12. № 99 бұйрығымен 1-тараудың тақырыбы жаңа редакцияда (бұр.ред.қара)
1-тарау. Жалпы ережелер
1. Осы Кәбілдік кәрiздерді мүлiктiк жалдауға (жалға) немесе пайдалануға беру саласындағы табиғи монополиялар субъектілерінің тұтынушыларға қызметтер көрсету стандарты (бұдан әрі - қызметтер) табиғи монополиялар субъектілерінің (бұдан әрі - Субъекті) реттеліп көрсетілетін қызметтеріне тауарларына, жұмыстарына) тұтынушылардың тең қол жеткізуін қамтамасыз ететін тәртіпті және жалпы қағидаттарын айқындау мақсатында әзірленді.
ҚР Ұлттық экономика министрінің 2018.10.12. № 99 бұйрығымен 2-тараудың тақырыбы жаңа редакцияда (бұр.ред.қара)
2-тарау. Табиғи монополиялар субъектілерінің тұтынушыларға реттеліп көрсетілетін қызметтер көрсету тәртібі
2. Реттеліп көрсетілетін қызметтерге қол жеткізуді алу үшін тұтынушы Субъектіге еркін үлгіде өтініш (бұдан әрі - өтініш) жолдайды.
3. Тұтынушылардың өтініштері мәлімделген көлемге немесе осы саладағы көрсетілетін қызметтерді тұтынудың басқа да шарттарына қарамастан тең жағдайлармен қабылданады.
4. Өтініш жазбаша түрде екі данада ресімделеді, тіркеу нөмірі, күні, өтініштің келіп түсу уақыты бар олардың бірі тұтынушыда қалады.
5. Субъекті өтініштерді тіркеу журналын жүргізеді, ол нөмірленуге және тігілуге тиіс. Өтініштерді тіркеу журналында өтініш түскен күні мен уақыты, сондай-ақ тіркеу нөмірі белгіленеді.
6. Келіп түскен өтініштерді қабылдаудан бас тартуға, күні мен уақытын, сондай-ақ оның тіркеу нөмірін бұрмалауға жол берілмейді.
