«Қонаев қаласы мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы
Алматы облысы Қонаев қалалық мәслихатының 2023 жылғы 22 мамырдағы № 3-11 шешімі
(2023.20.10. берілген өзгерістер мен толықтыруларымен)
Алматы облысы Қонаев қалалық мәслихатының 2025 жылғы 8 мамырдағы № 44-152 шешімімен күші жойылды
«Қазақстан Республикасының мемлекеттік қызметі туралы» Қазақстан Республикасы Заңының 33-бабының 5-тармағына және «Мемлекеттік әкімшілік қызметшілердің қызметін бағалаудың кейбір мәселелері туралы» Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының № 34 бұйрығына сәйкес, Қонаев қаласының мәслихаты ШЕШТІ:
1.«Қонаев қаласы мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың қоса беріліп отырған әдістемесі бекітілсін».
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қонаев қаласы мәслихатының төрағасы | Қ. Ахметтаев |
Қонаев қаласы мәслихатының
2023 жылғы 22 мамырдағы
№ 3-11 шешіміне қосымша
«Қонаев қалалық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін
бағалаудың әдістемесі
1-тарау Жалпы ережелер
1. Осы «Қонаев қалалық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесі (бұдан әрі - Әдістеме) «Қазақстан Республикасының мемлекеттік қызметі туралы» Қазақстан Республикасы Заңының (бұдан әрі - Заң) 33-бабының 5-тармағына сәйкес әзірленген және «Қонаев қалалық мәслихатының аппараты» мемлекеттік мекемесінің (бұдан әрі - Аппарат) «Б» корпусы мемлекеттік әкімшілік қызметшілерінің қызметін бағалаудың тәртібін айқындайды.
