1995 жылғы 23 желтоқсандағы Қазақстан Республикасы мен Ресей Федерациясы арасындағы Байқоңыр қаласының мәртебесі және
ондағы атқарушы өкімет органдарын құрудың тәртібі мен олардың мәртебесі туралы келісімге өзгерістер енгізу туралы
хаттама
(Мәскеу қ., 2016 жылғы 12 сәуірде)
ҚР 2016 жылғы 24 қарашадағы № 22-VI Заңымен ратификацияланды
2017 жылғы 5 шілдеде күшіне енді
Бұдан әрі Тараптар деп аталатын Қазақстан Республикасы мен Ресей Федерациясы,
1995 жылғы 23 желтоқсандағы Қазақстан Республикасы мен Ресей Федерациясы арасындағы Байқоңыр қаласының мәртебесі және ондағы атқарушы өкімет органдарын құрудың тәртібі мен олардың мәртебесі туралы келісімнің (бұдан әрі - Келісім) 24-бабына сәйкес,
екі мемлекеттің мүдделерін өзара сыйлау қағидатына сүйене отырып, «Байқоңыр» кешенінің жұмыс істеуін қамтамасыз ету жөніндегі ынтымақтастықты одан әрі нығайтуға ұмтылысты растай отырып,
төмендегілер туралы келісті:
1-бап
Келісімнің 10-бабының 2-тармағындағы «Байқоңыр қаласының әкімшілігінде» деген сөздер «Байқоңыр қаласының салық органында» деген сөздермен ауыстырылсын.
2-бап
Келісім мынадай мазмұндағы 12-1-баппен толықтырылсын:
«12-1-бап.
Тауарларды өткізу және әкелу кезінде жанама салықтарды қолдану
