Ерікті және мәжбүрлеп таратылатын банктердің тарату комиссияларының есеп және қосымша ақпарат беру нысанын, мерзімдері мен кезеңділігін бекіту туралы
Қазақстан Республикасы Қаржы нарығын реттеу және дамыту агенттігі Басқармасының 2020 жылғы 14 желтоқсандағы № 116 Қаулысы
Осы редакция 2021 жылғы 24 ақпанда енгізілген өзгерістеріне дейін қолданылды
«Қазақстан Республикасындағы банктер және банк қызметі туралы» 1995 жылғы 31 тамыздағы, «Мемлекеттік статистика туралы» 2010 жылғы 19 наурыздағы Қазақстан Республикасының заңдарына сәйкес Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:
1. Ерікті және мәжбүрлеп таратылатын банктердің (бұдан әрі - таратылатын банк) тарату комиссиялары беретін есептердің және қосымша ақпараттың мынадай нысандары бекітілсін:
1) осы қаулыға 1-қосымшаға сәйкес таратылатын банктің балансының нысаны;
2) осы қаулыға 2-қосымшаға сәйкес таратылатын банктің баланстан тыс шоттары бойынша есептің нысаны;
3) осы қаулыға 3-қосымшаға сәйкес таратылатын банк активтерінің жай-күйі туралы есептің нысаны;
4) осы қаулыға 4-қосымшаға сәйкес таратылатын банк міндеттемелерінің жай-күйі туралы есептің нысаны;
5) осы қаулыға 5-қосымшаға сәйкес таратылатын банктің касса және ағымдағы шоттар бойынша ақша қалдықтары мен қозғалысы туралы есептің нысаны;
6) осы қаулыға 6-қосымшаға сәйкес таратылатын банктің дебиторлық берешегінің жай-күйі туралы есептің нысаны;
7) осы қаулыға 7-қосымшаға сәйкес таратылатын банктің кепіл мүлкін сату туралы есептің нысаны;
8) осы қаулыға 8-қосымшаға сәйкес таратылатын банктің меншікті мүлкінің жай-күйі туралы есептің нысаны;
9) осы қаулыға 9-қосымшаға сәйкес таратылатын банктің тарату комиссиясы жасаған шығыстар туралы есептің нысаны;
10) осы қаулыға 10-қосымшаға сәйкес тарату комиссиясының өтеулі қызмет көрсету шарттары бойынша қызмет көрсететін қызметкерлер мен тұлғалардың саны туралы есептің нысаны;
