Бірыңғай жинақтаушы зейнетақы қоры есептілігінің тізбесін, нысандарын, мерзімдерін және оларды табыс ету қағидаларын бекіту туралы
Қазақстан Республикасы Ұлттық Банкі Басқармасының 2017 жылғы 28 тамыздағы № 167 Қаулысы
Осы редакция 2018 жылғы 30 шілдеде енгізілген өзгерістеріне дейін қолданылды
«Қазақстан Республикасының Ұлттық Банкі туралы» 1995 жылғы 30 наурыздағы, «Қаржы нарығы мен қаржы ұйымдарын мемлекеттік реттеу, бақылау және қадағалау туралы» 2003 жылғы 4 шілдедегі, «Мемлекеттік статистика туралы» 2010 жылғы 19 наурыздағы және «Қазақстан Республикасында зейнетақымен қамсыздандыру туралы» 2013 жылғы 21 маусымдағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Мыналар:
1) осы қаулыға 1-қосымшаға сәйкес бірыңғай жинақтаушы зейнетақы қоры есептілігінің тізбесі;
2) осы қаулыға 2-қосымшаға сәйкес зейнетақы активтерінің құны туралы есептің нысаны;
3) осы қаулыға 3-қосымшаға сәйкес зейнетақы активтерінің инвестициялық портфелінің құрылымы туралы есептің нысаны;
4) осы қаулыға 4-қосымшаға сәйкес сыртқы басқарудағы активтер туралы есептің нысаны;
5) осы қаулыға 5-қосымшаға сәйкес міндетті зейнетақы жарналары салымшыларының/алушылардың зейнетақы жинақтарының көлемі және жеке зейнетақы шоттарының саны туралы есептің нысаны;
1-тармақтың 6) тармақшасы 2020 ж. 1 қаңтардан бастап қолданысқа енгізілді
6) осы қаулыға 6-қосымшаға сәйкес жұмыс берушінің міндетті зейнетақы жарналарының көлемі және жеке тұлғалардың шартты зейнетақы шоттарының саны туралы есептің нысаны;
7) осы қаулыға 7-қосымшаға сәйкес ерікті зейнетақы жарналары салымшыларының/алушылардың зейнетақы жинақтарының көлемі және жеке зейнетақы шоттарының саны туралы есептің нысаны;
8) осы қаулыға 8-қосымшаға сәйкес міндетті кәсіптік зейнетақы жарналары салымшыларының/алушылардың зейнетақы жинақтарының көлемі және жеке зейнетақы шоттарының саны туралы есептің нысаны;
