Қарағанды облыстық мәслихатының 2023 жылғы 18 сәуірдегі № 33 «Медицина және фармацевтика қызметкерлерін әлеуметтік қолдау шараларының жүйесін айқындау туралы» шешіміне өзгеріс енгізу туралы
Қарағанды облыстық мәслихатының 2025 жылғы 9 желтоқсандағы № 350 шешімі
Қарағанды облыстық мәслихаты ШЕШІМ ҚАБЫЛДАДЫ:
1. Қарағанды облыстық мәслихатының 2023 жылғы 18 сәуірдегі № 33 «Медицина және фармацевтика қызметкерлерін әлеуметтік қолдау шараларының жүйесін айқындау туралы» шешіміне (Нормативтік құқықтық актілерді мемлекеттік тіркеу тізілімінде № 6384-09 тіркелген) келесі өзгеріс енгізілсін:
көрсетілген шешімнің қосымшасы осы шешімнің қосымшасына сәйкес жаңа редакцияда жазылсын.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қарағанды облыстық мәслихатының төрағасы | Н. Кобжанов |
Қарағанды облыстық мәслихатының
2025 жылғы 9 желтоқсандағы
№ 350 шешіміне қосымша
Қарағанды облыстық мәслихатының
2023 жылғы 18 сәуірдегі
№ 33 шешіміне қосымша
Қарағанды облысының ауылдық жерлеріне және кенттеріне, аудандық және облыстық маңызы бар қалаларына жұмыс істеуге жіберілген медицина және фармацевтика қызметкерлеріне әлеуметтік қолдау көрсету тәртібі
1. Жалпы ережелер
1. Осы Қарағанды облысының ауылдық жерлеріне және кенттеріне, аудандық және облыстық маңызы бар қалаларына жұмыс істеуге жіберілген медицина және фармацевтика қызметкерлеріне әлеуметтік қолдау көрсету тәртібі (ары қарай - Тәртіп) ауылдық жерлерге және кенттерге, аудандық және облыстық маңызы бар қалаларға жұмыс істеуге жіберілген медициналық және фармацевтикалық қызметкерлерге әлеуметтік қолдау шараларын қабылдау тәртібін, сондай-ақ қаржыландыру және төлем төлеуді айқындайды.
2. Негізгі ұғымдар:
1) әлеуметтік қолдау көрсету жөніндегі уәкілетті орган (бұдан әрі - уәкілетті орган) - «Қарағанды облысының денсаулық сақтау басқармасы» мемлекеттік мекемесі;
