Оңайлатылған декларация негізінде арнаулы салық режимін қолдануға тыйым салынған қызмет түрлерінің тізбесін бекіту туралы
Қазақстан Республикасы Үкіметінің 2025 жылғы 14 қарашадағы № 970 Қаулысы
Қазақстан Республикасы Салық кодексінің 723-бабы 1-тармағының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған оңайлатылған декларация негізінде арнаулы салық режимін қолдануға тыйым салынған қызмет түрлерінің тізбесі бекітілсін.
2. Осы қаулы 2026 жылғы 1 қаңтардан бастап қолданысқа енгізіледі және ресми жариялануға тиіс.
| Қазақстан Республикасының Премьер-Министрі | О. Бектенов |
Қазақстан Республикасы
Үкіметінің
2025 жылғы 14 қарашадағы
№ 970 қаулысымен
бекітілген
Оңайлатылған декларация негізінде арнаулы салық режимін қолдануға тыйым салынған қызмет түрлерінің
тізбесі
| № | Қызмет түрі | ЭҚТЖ | Атауы |
| 1 | Есірткінің, психотроптық заттар мен прекурсорлардың айналымына байланысты қызмет | жоқ | |
| 2 | Акцизделетін өнімді өндіру және (немесе) көтерме сату | 11010 | Спирттік ішімдіктерді дистилляциялау, ректификациялау және араластыру |
| 11021 | Өзі өндірген жүзімнен шарап өндіру |
| 11022 | Өзі өндірмеген жүзімнен шарап өндіру |
| 11030 | Сидрді және өзге де жемісті шараптарды өндіру |
| 11040 | Ашыған материалдан өзге де тазартылмаған сусындар өндіру |
| 11050 | Сыра өндіру |
| 11060 | Уыт өндіру |
| 12001 | Темекіні ферменттеу |
| 12002 | Темекіден өнімдерді өндіру |
| 46350 | Темекі бұйымдарын көтерме саудада сату |
| 20142 | Биоэтанол өндіру |
| 46212 | Өңделмеген темекіні көтерме саудада сату |
| 3 | Мұнай өнімдерінің жекелеген түрлерін - бензинді, дизель отынын және мазутты сату | 46120 | Отындарды, кендерді, металдар және химиялық заттарды көтерме саудада сату жөніндегі агенттердің қызметі |
| 46711 | Шикі мұнай мен ілеспе газды көтерме саудада сату |
| 46712 | Табиғи (жанатын) газды көтерме саудада сату |
| 46713 | Тас көмірді көтерме саудада сату |
| 46714 | Лигнитті (қоңыр көмірді) көтерме саудада сату |
| 46715 | Авиация бензинін және жермайды көтерме саудада сату |
| 46716 | Автомобиль бензинін көтерме саудада сату |
| 46717 | Дизель отынын көтерме саудада сату |
| 46718 | Отын мазутын көтерме саудада сату |
| 46719 | Өзге де отынды көтерме саудада сату |
