Есеп жүргізудің және мемлекеттік кірістер органына есептілікті ұсынудың кейбір мәселелері туралы
Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2020 жылғы 10 сәуірдегі № 374 бұйрығы
Осы редакция 2023 жылғы 30 наурызда енгізілген өзгерістеріне дейін қолданылды
2017 жылғы 26 желтоқсандағы «Қазақстан Республикасындағы Кедендік реттеу туралы» Қазақстан Республикасы Кодексінің 38-бабы 2-тармағына, 167-бабының 5) және 6) тармақшаларына, 494-бабы 1-тармағының 2) тармақшасына, 500-бабының 3) тармақшасына, 507-бабы 1-тармағының 5) тармақшасына, 514-бабы 1-тармағының 5) тармақшасына, 521-бабы 1-тармағының 4) тармақшасына, 528-бабы 1-тармағының 5) тармақшасына, 541-бабы 1-тармағының 5) тармақшасына және «Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:
1. Қоса беріліп отырған:
1) осы бұйрыққа 1-қосымшаға сәйкес Есептілікті ұсыну қағидалары мен мерзімдері, тауарлар мен көлік құралдардың есебін жүргізу, есептілікті ұсыну тәсілі, электрондық құжат түрінде ұсынылатын есептердің құрылымы мен форматы, оларды толтыру тәртібі;
2) осы бұйрыққа 2-қосымшаға сәйкес Сақтауда тұрған тауарлардың және (немесе) көлік құралдарының есеп нысаны;
3) осы бұйрыққа 3-қосымшаға сәйкес Кедендік операциялар туралы есеп нысаны;
4) осы бұйрыққа 4-қосымшаға сәйкес Бажсыз сауда дүкендеріне түскен тауарлар мен оларды өткізу туралы есеп нысаны;
5) осы бұйрыққа 5-қосымшаға сәйкес Еркін қойма кедендік рәсімімен орналастырылған тауарлармен, сондай-ақ осындай тауарлардан дайындалған (алынған) тауарлармен жүргізілген операциялар туралы есеп нысаны;
6) осы бұйрыққа 6-қосымшаға сәйкес Шетелдік тауарларды, оның ішінде Еуразиялық экономикалық одақтың Бірыңғай кедендік тарифінде белгіленгенге қарағанда, оларға қатысты кедендік әкелу бажының ең төмен мөлшерлемесі қолданылатын тауарларды пайдалану бойынша есеп нысаны;
