Жылжымалы құрамды, арнайы жылжымалы құрамды сыныптау тізбесін бекіту туралы
Қазақстан Республикасы Көлік министрінің м.а. 2026 жылғы 3 ақпандағы № 22 бұйрығы
«Теміржол көлігі туралы» Қазақстан Республикасы Заңының 14-бабы 2-тармағының 22) тармақшасына сәйкес БҰЙЫРАМЫН:
1. Қоса беріліп отырған Жылжымалы құрамды, арнайы жылжымалы құрамның сыныптау тізбесі бекітілсін.
2. Қазақстан Республикасы Көлік министрлігінің Автомобиль көлігі және көліктік бақылау комитеті заңнамада белгіленген тәртіппен:
1) осы бұйрыққа қол қойылған күннен бастап бес жұмыс күні ішінде оның көшірмесін электрондық түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;
2) осы бұйрық ресми жарияланғаннан кейін оны Қазақстан Республикасы Көлік министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Көлік вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министрдің міндетін атқарушы | М. Калиакпаров |
Қазақстан Республикасы
Көлік министрінің
міндетін атқарушының
2026 жылғы 3 ақпандағы
№ 22 бұйрығына
қосымша
Жылжымалы құрамды, арнайы жылжымалы құрамды сыныптау
тізбесі
| р/с № | Жылжымалы және арнайы жылжымалы құрамның атауы | Түрі, маркасы |
| 1. Жылжымалы құрам |
| 1) Жолаушылар жылжымалы құрамы |
| 1. | Арнайы вагон | ЦМ арнайы |
| 2. | Жолаушыларды тасымалдау үшін жолаушылар вагоны | ЦМК, ЦМО, СВ, РИЦ, ЦММО |
| 3. | Жүру жолында жолаушыларды ыстық тамақпен қамтамасыз ету үшін жолаушылар вагоны | ЦМР |
| 4. | Багаж және жүк багажын тасымалдауға арналған багаж вагоны | ЦМБ, ЦМБП, ЦМП |
| 5. | Қызметтік вагон | СЛ/Т |
