Кейбір бұйрықтарға өзгерістер мен толықтырулар енгізу туралы
Қазақстан Республикасы Еңбек және халықты әлеуметтік қорғау министрінің 2026 жылғы 26 мамырдағы № 194 бұйрығы
БҰЙЫРАМЫН:
1. Қоса беріліп отырған өзгерістер енгізілетін кейбір бұйрықтардың тізбесі (бұдан әрі - Тізбе) бекітілсін.
2. Қазақстан Республикасы Еңбек және халықты әлеуметтік қорғау министрлігінің Заң қызметі департаменті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық ресми жарияланғаннан кейін Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Еңбек және халықты әлеуметтік қорғау вице-министріне жүктелсін.
4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізілетін Тізбенің 3-тармағының үшінші, төртінші, жетінші, сегізінші, жиырма үшінші, жиырма төртінші және алпыс бірінші абзацтарын, 4-тармағының жиырма бірінші, жиырма екінші, жиырма жетінші, жиырма сегізінші, жиырма тоғызыншы, отызыншы және отыз бірінші абзацтарын, 5-тармағының екінші, үшінші, бесінші, алтыншы, тоғызыншы, оныншы, алпыс бірінші, алпыс екінші, алпыс үшінші және алпыс бесінші абзацтарын, 6-тармағының екінші, үшінші, бесінші, алтыншы және тоқсаныншы абзацтарын, 7-тармағының екінші, үшінші, бесінші, алтыншы, тоғызыншы, оныншы, қырық алтыншы, қырық жетінші, елу екінші, елу үшінші, елу төртінші және елу алтыншы абзацтарын, 8-тармағының он тоғызыншы, жиырмасыншы, отызыншы, отыз бірінші, отыз екінші, отыз үшінші, отыз төртінші, отыз бесінші, отыз алтыншы, отыз жетінші, отыз сегізінші, отыз тоғызыншы, қырқыншы, қырық бірінші, қырық екінші, қырық үшінші және қырық төртінші абзацтарын қоспағанда, 2026 жылғы 12 шілдеден бастап қолданысқа енгізіледі.
