ҚР СТ 1681-2007
Жылжымалы құрамның буксалық желілерінің қызуын
бақылауға арналған байланыссыз термометрлер
Салыстырып тексеру әдістемесі
Мазмұны
1. Қолданылу саласы
2. Нормативтік сілтемелер
3. Терминдер мен анықтамалар
4. Салыстырып тексеру операциялары
5. Салыстырып тексеру құралдары
6. Салыстыра тексеру жүргізу шарттары және оған дайындық
7. Қауіпсіздік талаптары
8. Салыстырып тексеруді жүргізу
9. Салыстырып тексеру нәтижелерін ресімдеу және өңдеу
А қосымшасы. Жылжымалы құрамның буксалық желілерінің қызуын бақылауға арналған байланыссыз термометрлерді калибрлеу кезіндегі өлшеулердің белгісіздігін бағалау
Қосымша. Библиография
1. Қолданылу саласы
Осы стандарт тоқтап тұрған кезде пойызға техникалық қызмет көрсету барысында вагондардың желілері мен бөлшектерінің температуралық режимдерін өлшеуге арналған «Термоскоп» байланыссыз термометрлеріне (бұдан әрі - пирометрлер) таратылады.
Стандарттың ережелерін Қазақстан Республикасы Техникалық реттеу және метрология жүйесінде өлшеу құралдарын салыстырып тексеру жөнінде жұмыстар жүргізуге аккредиттелген, жекеменшік түріне қарамастан, кәсіпорындар мен ұйымдар қолдана алады.
2. Нормативтік сілтемелер
Осы стандартта мынадай нормативтік құжаттарға сілтемелер пайдаланылды:
ҚР СТ 2.4-2007 Қазақстан Республикасы Мемлекеттік өлшем бірлігін қамтамасыз ету жүйесі. Өлшеу құралдарын салыстырып тексеру. Ұйымдастыру және жүргізу тәртібі.
ГОСТ 8.558-93 Мемлекеттік өлшем бірлігін қамтамасыз ету жүйесі. Температураны өлшеу құралдарына арналған мемлекеттік салыстырып тексеру сызбанұсқасы.
3. Терминдер мен анықтамалар
Осы стандартта тиісті анықтамалары бар мынадай терминдер қолданылды:
3.1. Пирометр: Тетіктердің температурасын байланыссыз өлшеуге арналған аспап.
3.2. Көру аралығы: Пирометрдің инфрақызыл сәуле шашу энергиясын қабылдайтын объектінің сыртқы диаметрі.
3.3. Нысаналау көрсеткіші: Пирометр мен өлшеу объектісі арасындағы нысаналау нүктесінің диаметріне арақашықтық қатынасы.
3.4. Нысаналау нүктесі: Температураны бақылау үшін қажетті сәуле шашатын алаңның ең кіші диаметрі.
4. Салыстырып тексеру операциялары
