Осы редакция 2017 жылғы 2 наурызда енгізілген өзгерістеріне дейін қолданылды
Қазақстан Республикасы
Мәдениет және спорт министрінің
2015 жылғы 22 cәуірдегі № 146 бұйрығына
1-қосымша
«Фильмге прокаттау куәлiгiн беру»
мемлекеттiк көрсетiлетiн қызмет стандарты
«Фильмге прокаттау куәлігін беру» мемлекеттік көрсетілетін қызмет регламентін қараңыз
1. Жалпы ережелер
1. «Фильмге прокаттау куәлiгiн беру» мемлекеттiк көрсетiлетiн қызметi (бұдан әрi - мемлекеттiк көрсетiлетiн қызмет).
2. Мемлекеттiк көрсетiлетiн қызмет стандартын Қазақстан Республикасы Мәдениет және спорт министрлiгi (бұдан әрi - Министрлiк) әзiрледi.
3. Мемлекеттiк көрсетiлетiн қызмет Министрлiкпен (бұдан әрi - көрсетiлетiн қызметтi берушi) көрсетіледі.
Өтінішті қабылдау және мемлекеттік қызмет көрсетудің нәтижелерін беру:
1) көрсетілетін қызметті берушінің кеңсесі;
2) «электрондық үкiмет» веб-порталы www.egov.kz (бұдан әрi - портал) арқылы жүзеге асырылады.
2. Мемлекеттiк қызметтi көрсету тәртiбi
4. Мемлекеттiк қызметтi көрсету мерзiмi:
1) көрсетiлетiн қызметтi берушiге құжаттар топтамасы тапсырылған кезден бастап, сондай-ақ порталға жүгiнген кезде - 7 (жетi) жұмыс күнi;
2) көрсетiлетiн қызметтi берушiде құжаттар топтамасын тапсыру үшiн күтудiң рұқсат берiлетiн ең ұзақ уақыты - 15 (он бес) минут;
3) көрсетiлетiн қызметтi берушiнің қызмет көрсетудiң рұқсат берiлетiн ең ұзақ уақыты - 30 (отыз) минут.
Көрсетілетін қызметті беруші көрсетiлетiн қызметтi алушының құжаттарын алған кезден бастап екі жұмыс күн ішінде ұсынылған құжаттардың толықтығын тексеруге міндетті.
Ұсынылған құжаттардың толық еместігі анықталған жағдайда, көрсетілетін қызметті беруші көрсетілген мерзімде өтінішті одан әрі қараудан жазбаша уәжді түрде бас тартады.
5. Мемлекеттiк қызмет көрсету нысаны: электрондық нысан (iшiнара автоматтандырылған).
6. Мемлекеттiк қызмет көрсету нәтижесi - фильмге прокаттау куәлiгi, не осы мемлекеттiк көрсетiлетiн қызмет стандартының 10-тармағында көзделген жағдайларда және негiздер бойынша мемлекеттiк қызметтi көрсетуден бас тарту туралы дәлелдi жауап.
