«Жоғары және (немесе) жоғары оқуынан кейн білім беру ұйымдары білім беру қызметінде пайдаланатын қатаң есептіліктегі құжаттардың нысанын бекіту туралы» Қазақстан Республикасы Білім және ғылым министрі міндетін атқарушының 2007 жылғы 23 қазандағы № 502 бұйрығына өзгерістер мен толықтырулар енгізу туралы
Қазақстан Республикасы Ғылым және жоғары білім министрінің 2025 жылғы 15 шілдедегі № 377 бұйрығы
БҰЙЫРАМЫН:
1. «Жоғары және (немесе) жоғары оқуынан кейн білім білім беру ұйымдары білім беру қызметінде пайдаланатын қатаң есептіліктегі құжаттардың нысанын бекіту туралы» Қазақстан Республикасы Білім және ғылым министрінің міндетін атқарушының 2007 жылғы 23 қазандағы № 502 бұйрығына (нормативтік құқықтық актілерді мемлекеттік тіркеу тізілімінде № 4991 болып тіркелген) мынадай өзгерістер мен толықтырулар енгізілсін:
тақырып мынадай редакцияда жазылсын:
«Жоғары және (немесе) жоғары оқу орнынан кейінгі білім беру ұйымдары білім беру қызметінде пайдаланатын қатаң есептілік құжаттарының нысанын бекіту туралы»;
1-тармақта:
25) тармақша мынадай редакцияда жазылсын:
«25) осы бұйрыққа 25-қосымшаға сәйкес «Назарбаев Зияткерлік мектептері» дербес білім беру ұйымын бітірушісінің оқу нәтижелерін сырттай бағалау балдарын ұлттық бірыңғай тестілеу балдарына ауыстыру кезінде алынған ұлттық бірыңғай тестілеу нәтижесінің нысаны бекітілсін;»;
28) тармақша мынадай редакцияда жазылсын:
«28) осы бұйрыққа 28-қосымшаға сәйкес философия докторлары (РhD) бағдарламасы бойынша докторантураға түсушінің түсу емтиханы нәтижесінің нысаны;»;
29), 30) және 31) тармақшаларымен толықтырылсын:
«29) осы бұйрыққа 29-қосымшаға сәйкес тестіленушінің ағылшын тілін білуіне арналған қосымша тестілеу нәтижесінің нысаны;
30) осы бұйрыққа 30-қосымшаға сәйкес ҚАЗТЕСТ сертификатының балдары ұлттық бірыңғай тестілеу балдарына ауыстырылған кезде алынған тестіленушінің ұлттық бірыңғай тестілеу нәтижесінің нысаны;
