ҚАЗАҚСТАН РЕСПУБЛИКАСЫ ПРЕЗИДЕНТІНІҢ
ЖАРЛЫҒЫ
Қазақстан Республикасы Президентінің кейбір актілеріне өзгерістер мен толықтырулар енгізу туралы
Осы редакция 2025 жылғы 19 мамырда енгізілген өзгерістеріне дейін қолданылды
ҚАУЛЫ ЕТЕМІН:
1. Қоса беріліп отырған Қазақстан Республикасы Президентінің кейбір актілеріне енгізілетін өзгерістер мен толықтырулар (бұдан әрі - өзгерістер мен толықтырулар) бекітілсін.
2. Осы Жарлық ресми жарияланған күнінен бастап үш ай өткен соң қолданысқа енгізілетін өзгерістер мен толықтырулардың 7-тармағының төртінші және бесінші абзацтарын қоспағанда, 2025 жылғы 6 қаңтардан бастап қолданысқа енгізіледі.
| Қазақстан Республикасының Президенті | Қ. ТОҚАЕВ |
Астана, Ақорда, 2025 жылғы 12 ақпан
№ 779
Қазақстан Республикасы
Президентінің
2025 жылғы 12 ақпандағы
№ 779 Жарлығымен
БЕКІТІЛГЕН
Қазақстан Республикасы Президентінің кейбір актілеріне енгізілетін
ӨЗГЕРІСТЕР МЕН ТОЛЫҚТЫРУЛАР
1. «Қазақстан Республикасының Мемлекеттiк протоколын бекiту туралы» Қазақстан Республикасы Президентінің 2006 жылғы 12 қазандағы № 201 Жарлығында:
жоғарыда аталған Жарлықпен бекітілген Қазақстан Республикасының Мемлекеттік протоколына 1-қосымшада:
мынадай мазмұндағы 10-1, 10-2, 15-1 және 15-2-тармақтармен толықтырылсын:
«10-1. Премьер-Министрдің бірінші орынбасары
10-2. Президент Әкімшілігі Басшысының бірінші орынбасары»;
«15-1. «Самұрық-Қазына» ұлттық әл-ауқат қоры» акционерлік қоғамының басқарма төрағасы
15-2. Жоғары аудиторлық палатаның төрағасы»;
20 және 27-тармақтар алып тасталсын;
мынадай мазмұндағы 30-1-тармақпен толықтырылсын:
«30-1. Президенттің кеңесшілері»;
32-тармақ алып тасталсын;
жоғарыда аталған Жарлықпен бекітілген Қазақстан Республикасының Мемлекеттік протоколына 2-қосымшада:
мынадай мазмұндағы 11-1, 11-2, 16-1 және 16-2-тармақтармен толықтырылсын:
«11-1. Премьер-Министрдің бірінші орынбасары
11-2. Президент Әкімшілігі Басшысының бірінші орынбасары»;
«16-1. «Самұрық-Қазына» ұлттық әл-ауқат қоры» акционерлік қоғамының басқарма төрағасы
16-2. Жоғары аудиторлық палатаның төрағасы»;
