«Қазақстан Республикасы ішкі істер органдарының тергеу және анықтау бөлімшелері қызметкерлерінің жұмысын ұйымдастыру және олардың қызметіне процестік бақылауды жүзеге асыру жөніндегі нұсқаулықты бекіту туралы» Қазақстан Республикасы Ішкі істер министрінің 2015 жылғы 16 наурыздағы № 220 бұйрығына толықтырулар енгізу туралы
Қазақстан Республикасы Ішкі істер министрінің 2025 жылғы 26 желтоқсандағы № 1078 бұйрығы
БҰЙЫРАМЫН:
1. «Қазақстан Республикасы ішкі істер органдарының тергеу және анықтау бөлімшелері қызметкерлерінің жұмысын ұйымдастыру және олардың қызметіне процестік бақылауды жүзеге асыру жөніндегі Нұсқаулықты бекіту туралы» Қазақстан Республикасы Ішкі істер министрінің 2015 жылғы 16 наурыздағы № 220 бұйрығына (нормативтік құқықтық актілердің мемлекеттік тізілімінде № 10761 болып тіркелген) мынадай толықтырулар енгізілсін:
көрсетілген бұйрықпен бекітілген Қазақстан Республикасы ішкі істер органдарының тергеу және анықтау бөлімшелері қызметкерлерінің жұмысын ұйымдастыру және олардың қызметіне процестік бақылауды жүзеге асыру жөніндегі нұсқаулықта:
мынадай мазмұндағы 7 және 8-тараулармен толықтырылсын:
«7-тарау. Тергеушінің көмекшілері
68. Тергеушінің көмекшілері қылмыстық істерді дайындау, жүргізу және сүйемелдеу барысында жәрдем көрсету, процестік талаптардың сақталуын қамтамасыз ету және тергеу бөлімшелерінің жұмыс тиімділігін арттыру мақсатында тағайындалады. Бұл ретте тергеушінің көмекшісі дербес процестік өкілеттіктерге ие болмайды және тек тергеушінің тапсырмалары шеңберінде әрекет етеді.
69. Көмекшіні тергеушіге бекіту осы тарауда көзделген міндеттер мен функциялардың көлемін айқындай отырып, бөлімше басшысының бұйрығымен жүзеге асырылады.
70. Тергеушінің көмекшісінің міндеттері:
1) қылмыстық іс материалдарын дайындау және жүйелеу;
2) тергеушінің тапсырмасы бойынша тергеу әрекеттерін сүйемелдеу, сондай-ақ тергеу әрекеттерін жүргізу барысында алынған материалдардың техникалық рәсімделуін және реттелуін қамтамасыз ету;
