Жеке кәсіпкерлік субъектілерін бірнеше салалық мемлекеттік органның құзыретіне жататын экономиканың әртүрлі салаларында ұсынылатын мемлекеттік қаржылай емес қолдау тәртібін, нысандарын және оларға қолдау көрсетуге қажетті басқа да шарттарды бекіту туралы
Қазақстан Республикасы Үкіметінің 2024 жылғы 5 тамыздағы № 626 Қаулысы
(2025.26.12. берілген өзгерістермен)
Осы редакция 2026 жылғы 20 шілдеде енгізілген өзгерістеріне дейін қолданылды
Қазақстан Республикасының Кәсіпкерлік кодексі 96-бабының 5-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Жеке кәсіпкерлік субъектілерін бірнеше салалық мемлекеттік органның құзыретіне жататын экономиканың әртүрлі салаларында ұсынылатын мемлекеттік қаржылай емес қолдау тәртібі, нысандары және оларға қолдау көрсетуге қажетті басқа да шарттар бекітілсін.
2. Осы қаулының орындалуын бақылау Қазақстан Республикасының Ұлттық экономика министрлігіне жүктелсін.
3. Осы қаулы 2025 жылғы 1 қаңтардан бастап қолданысқа енгізіледі және ресми жариялануға тиіс.
| Қазақстан Республикасының Премьер-Министрі | О. Бектенов |
Қазақстан Республикасы
Үкіметінің
2024 жылғы 5 тамыздағы
№ 626 қаулысымен
бекітілген
Жеке кәсіпкерлік субъектілерін бірнеше салалық мемлекеттік органның құзыретіне жататын
экономиканың әртүрлі салаларында ұсынылатын мемлекеттік қаржылай емес қолдау тәртібі,
нысандары және оларға қолдау көрсетуге
қажетті басқа да шарттар
1-тарау. Жалпы ережелер
1. Осы Жеке кәсіпкерлік субъектілерін бірнеше салалық мемлекеттік органның құзыретіне жататын экономиканың әртүрлі салаларында ұсынылатын мемлекеттік қаржылай емес қолдау тәртібі, нысандары және оларға қолдау көрсетуге қажетті басқа да шарттар (бұдан әрі - Қағидалар) кәсіпкерлікті қаржылай емес қолдау шараларын көрсету тәртібін айқындайды.
ҚР Үкіметінің 2025.11.12. № 1079 Қаулысымен 2-тармақ өзгертілді (2025 ж. 26 желтоқсаннан бастап қолданысқа енгізілді) (бұр.ред.қара)
2. Осы Қағидаларда мынадай негізгі ұғымдар пайдаланылады:
