Ирригациялық және коллекторлық-дренаждық жүйелерді пайдаланудың үлгілік қағидаларын бекіту туралы
Қазақстан Республикасы Су ресурстары және ирригация министрінің м.а. 2025 жылғы 24 шілдедегі № 181-НҚ бұйрығы
Қазақстан Республикасы Су кодексінің 114-бабының 3-тармағына сәйкес, БҰЙЫРАМЫН:
1. Қоса беріліп отырған ирригациялық және коллекторлық-дренаждық жүйелерді пайдаланудың үлгілік қағидалары бекітілсін.
2. Қазақстан Республикасы Су ресурстары және ирригация министрлігінің Су шаруашылығы құрылыстарын дамыту департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық ресми жарияланғаннан кейін оны Қазақстан Республикасы Су ресурстары және ирригация министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Су ресурстары және ирригация вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасы Су ресурстары және ирригация Министрі м.а. | Е. Ибрайханов |
«КЕЛІСІЛДІ»
Қазақстан Республикасы
Ұлттық экономика министрлігі
Қазақстан Республикасы
Су ресурстары және
ирригация Министрі м.а.
2025 жылғы 24 шілдедегі
№ 181-НҚ бұйрықпен бекітілген
Ирригациялық және коллекторлық-дренаждық жүйелерді пайдаланудың
үлгілік қағидалары
1-тарау. Жалпы ережелер
1. Осы ирригациялық және коллекторлық-дренаждық жүйелерді пайдаланудың үлгілік қағидалары (бұдан әрі-қағидалар) Қазақстан Республикасы Су кодексінің 114 - бабының 3-тармағына сәйкес әзірленді және ирригациялық және коллекторлық-дренаждық жүйелерді (бұдан әрі-жүйелер) пайдалану тәртібін айқындайды.
2. Жүйелер магистральдық, шаруашылықаралық және шаруашылықішілік болып бөлінеді.
3. Мемлекетаралық, өңіраралық және ауданаралық маңызы бар магистральдық жүйелер мемлекеттік меншікте болады, шаруашылықаралық жүйелер жеке меншікте болуы мүмкін.
