«Азаматтық қорғау саласындағы уәкілетті орган жедел резервінің материалдық құндылықтарымен операция жүргізу, олардың орнын ауыстыру, пайдалану, толықтыру қағидаларын бекіту туралы» Қазақстан Республикасы Төтенше жағдайлар министрінің 2014 жылғы 16 мамырдағы № 225 бұйрығына өзгерістер енгізу туралы
Қазақстан Республикасы Төтенше жағдайлар министрінің 2025 жылғы 3 сәуірдегі № 119 бұйрығы
БҰЙЫРАМЫН:
1. «Азаматтық қорғау саласындағы уәкілетті органның жедел резервіне операция жасау, орнын ауыстыру, пайдалану, материалдық құндылықтарды толықтыру қағидаларын бекіту туралы» Қазақстан Республикасы Төтенше жағдайлар министрінің 2014 жылғы 16 мамырдағы № 225 бұйрығына (нормативтік құқықтық актілерді мемлекеттік тіркеу тізілімінде № 9508 болып тіркелген) мынадай өзгерістер енгізілсін:
аталған бұйрықпен бекітілген Азаматтық қорғау саласындағы уәкілетті органның жедел резервіне операция жасау, орнын ауыстыру, пайдалану, материалдық құндылықтарды толықтыру қағидаларында:
3-тараудың 15-тармағы мынадай редакцияда жазылсын:
«15. Жедел резервтегі материалдық құндылықтар азаматтық қорғаныс іс-шараларын ұйымдастыру және жүргізу саласында басшылықты жүзеге асыратын ведомство басшысының немесе оның міндетін атқарушы тұлғаның шешімі негізінде, сақтау мерзімі, жарамдылық мерзімі аяқталған және (немесе) тозуына байланысты, сондай-ақ оларды ұзақ сақтау мерзімі бар ұқсас материалдық құндылықтармен бір мезгілде алмастыру арқылы жаңартылады.
Бұл ретте жаңартылған жедел резервтегі материалдық құндылықтар азаматтық қорғау саласындағы уәкілетті органның аумақтық органдары мен әскери бөлімдерінің бөлімшелеріне (қызметтеріне) қызметтік қызметте пайдалану үшін беріледі.»;
3-тараудың 18-тармағы мынадай редакцияда жазылсын:
