Өлшеу құралдары болып табылатын медициналық техниканың тізбесін бекіту туралы
Қазақстан Республикасы Денсаулық сақтау министрінің 2009 жылғы 24 қарашадағы № 765 Бұйрығы
Осы редакция 2019 жылғы 22 сәуірде енгізілген өзгерістеріне дейін қолданылды
«Халық денсаулығы және денсаулық сақтау жүйесі туралы» Қазақстан Республикасы кодексінің 82-бабының 4-тармағын іске асыру мақсатында БҰЙЫРАМЫН:
1. Қоса беріліп отырған Өлшеу құралдары болып табылатын медициналық техниканың тізбесі бекітілсін.
2. Қазақстан Республикасы Денсаулық сақтау министрлігінің Медициналық және фармацевтикалық қызметін бақылау комитеті осы бұйрықты Қазақстан Республикасының заңнамасында белгіленген тәртіппен Қазақстан Республикасы Әділет министрлігінде мемлекеттік тіркеуден өткізсін.
3. Әкімшілік-құқықтық жұмыс департаменті (Ф.Б. Бисмильдин) осы бұйрықтың Қазақстан Республикасының заңнамасында белгіленген тәртіппен бұқаралық ақпарат құралдарында ресми жариялануын қамтамасыз етсін.
4. Осы бұйрықтың орындалуын бақылау Қазақстан Республикасы Денсаулық сақтау вице-министрі Е.А. Біртановқа жүктелсін.
5. Осы бұйрық алғаш ресми жарияланған күнінен бастап он күнтізбелік күн өткеннен кейін қолданысқа енгізіледі.
«КЕЛІСІЛГЕН»
Қазақстан Республикасының
Индустрия және сауда
министрінің міндетін атқарушы
____________ Т. Жақсылықов
2009 жылғы 25 қараша
Қазақстан Республикасы
Денсаулық сақтау министрінің
2009 жылғы 24 қарашадағы
№ 765 бұйрығымен бекітілген
Өлшеу құралдары болып табылатын медициналық
техниканың тізбесі
| № р/с | Медициналық техниканың атауы |
| 1. | Көз торшасы қалыңдығын талдағыш |
| 2. | Электролитті, қан электролиттерін талдағыш |
| 3. | Аудиометрлер, диагностикалық аудиометр, импедансты аудиометр, туындаған әлеуеттерді тіркеудің клиникалық, аудиометриялық модулі |
| 4. | Медициналық динамометр |
| 5. | Антропометриялық өлшеуіш |
