Атырау облысының әкімшілік-аумақтық бірліктер аумағында карантиндік режимді енгізе отырып карантинді аймақты белгілеу туралы
Атырау облысы әкімдігінің 2015 жылғы 17 сәуірдегі № 108 Қаулысы
Атырау облысы әкімдігінің 2019 жылғы 25 желтоқсандағы № 304 Қаулысымен күші жойылды
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабына, Қазақстан Республикасының 1999 жылғы 11 ақпандағы «Өсімдіктер карантині туралы» Заңының 9-1-бабы 3) тармақшасына, «Қазақстан Республикасы Ауыл шаруашылығы министрлігі агроөнеркәсіптік кешендегі мемлекеттік инспекциясы комитеті Атырау облыстық аумақтық инспекциясы» мемлекеттік мекемесінің 2015 жылғы 9 ақпандағы № 06/71 ұсынысына сәйкес, облыс аумағын, өсімдік және өсімдік текті өнімдерін карантиндік нысандардың таралуынан қорғауды қамтамасыз ету және карантиндік нысандардың таралу ошақтарын дер кезінде анықтау, оқшаулау және толық жою мақсатында Атырау облысы әкімдігі ҚАУЛЫ ЕТЕДІ:
1. Осы қаулының қосымшасына сәйкес Атырау облысының әкімшілік- аумақтық бірліктер аумағында карантиндік режимді енгізе отырып карантинді аймақ белгіленсін.
2. Осы қаулының орындалуын бақылау «Атырау облысы Ауыл шаруашылығы басқармасы» мемлекеттік мекемесіне (С. Рысқалиевқа) және «Қазақстан Республикасы Ауыл шаруашылығы министрлігі агроөнеркәсіптік кешендегі мемлекеттік инспекция Комитетінің Атырау облыстық аумақтық инспекциясы» мемлекеттік мекемесіне (А. Жанғалиевқа) (келісім бойынша) жүктелсін.
3. Осы қаулы әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
