Қазақстан Республикасы ұлттық қауіпсіздік органдарының жекелеген санаттағы қызметкерлерін қызметті өткеру ерекшеліктерін ескере отырып, азық-түлік үлесімен қамтамасыз етудің заттай нормаларын бекіту туралы
Қазақстан Республикасы Ұлттық қауіпсіздік комитеті Төрағасының 2015 жылғы 26 мамырдағы № 40 бұйрығы
(2024.29.02. берілген өзгерістермен)
Осы редакция 2025 жылғы 23 сәуірде енгізілген өзгерістеріне дейін қолданылды
ҚР Ұлттық қауіпсіздік комитеті Төрағасының 2024.29.02. № 52/нс бұйрығымен тақырыбы жаңа редакцияда (бұр.ред.қара)
ҚР Ұлттық қауіпсіздік комитеті Төрағасының 2024.29.02. № 52/нс бұйрығымен кіріспе жаңа редакцияда (бұр.ред.қара)
Қазақстан Республикасының Бюджет кодексі 69-бабының 2-тармағына және «Қазақстан Республикасының арнаулы мемлекеттік органдары туралы» Қазақстан Республикасының Заңы 73-бабының 4-тармағына және 77-бабының 2-тармағына сәйкес БҰЙЫРАМЫН:
ҚР Ұлттық қауіпсіздік комитеті Төрағасының 2024.29.02. № 52/нс бұйрығымен 1-тармақ жаңа редакцияда (бұр.ред.қара)
1. Қоса беріліп отырған Қазақстан Республикасы ұлттық қауіпсіздік органдарының жекелеген санаттағы қызметкерлерін қызметті өткеру ерекшеліктерін ескере отырып, азық-түлік үлесімен қамтамасыз етудің заттай нормалары бекітілсін.
2. Қазақстан Республикасы Ұлттық қауіпсіздік комитетінің Әскери-техникалық қамтамасыз ету департаменті (бұдан әрі - ҰҚК) осы бұйрықты Қазақстан Республикасы Әділет министрлігінде мемлекеттік тіркелуін қамтамасыз етсін.
3. Тиісті қаржылық жылға арналған республикалық бюджеттен ҰҚК-ге қарастырылған қаражат есебінен және шегінде қызметкерлерді тамақтандыруды ұйымдастыру бойынша қызмет көрсетуді сатып алуды жүзеге асыру белгіленсін.
4. Осы бұйрық Қазақстан Республикасы Әділет министрлігінде мемлекеттік тіркеуден өткен күннен бастап қолданысқа енгізіледі.
| Комитет Төрағасы | Н. Әбіқаев |
КЕЛІСІЛДІ:
Қазақстан Республикасының
Қаржы министрі
Б. Сұлтанов
2015 жылғы «___» ______
