Қосшы қаласы бойынша 2025-2029 жылдарға арналған жайылымдарды басқару және оларды пайдалану жөніндегі жоспарды бекіту туралы
Ақмола облысы Қосшы қаласы мәслихатының 2025 жылғы 30 сәуірдегі № 181/43-8 шешімі
«Қазақстан Республикасындағы жергілікті мемлекеттік басқару және өзін-өзі басқару туралы», «Жайылымдар туралы» Қазақстан Республикасының Заңдарына сәйкес, Қосшы қаласының мәслихаты ШЕШІМ ҚАБЫЛДАДЫ:
1. Қоса беріліп отырған Қосшы қаласы бойынша 2025-2029 жылдарға арналған жайылымдарды басқару және оларды пайдалану жөніндегі жоспары бекітілсін.
2. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.
| Қосшы қаласы мәслихатының төрағасы | Ә. Қуатбеков |
Қосшы қалалық Мәслихаттың
2025 жылғы 30 сәуірдегі
№ 181/43-8 шешімімен
бекітілген
Қосшы қаласы бойынша 2025 - 2029 жылдарға арналған жайылымдарды басқару және оларды пайдалану жөніндегі жоспар
Қосшы қаласы бойынша жайылымдарды басқару және оларды пайдалану жөніндегі 2025 - 2029 жылдарға арналған осы жоспар (бұдан әрі-жоспар) «Жайылымдар туралы»Қазақстан Республикасы Заңының 6-бабының 4-1) тармақшасына сәйкес әзірленген.
Жоспар жайылымдарды ұтымды пайдалану, азыққа деген қажеттілікті тұрақты орнықты қамтамасыз ету және жайылымдардың тозу процестерін болдырмау мақсатында қабылданды.
Жайылымдарды басқару және оларды пайдалану жоспары бес жыл мерзімге бекітілген Нормативтік құқықтық акт болып табылады.
Жайылымдарды басқару және оларды пайдалану жоспары келесіні ескереді:
өңірдің жер балансының және мемлекеттік жер кадастрының ақпараттық жүйесінің деректері; жайылымдарды геоботаникалық зерттеу мәліметтері;
мал қорымдары (биотермиялық шұңқырлар)туралы мәліметтер;
жайылымдық инфрақұрылым объектілері туралы және ауыл шаруашылығы жануарларын айдауға арналған сервитуттар туралы мәліметтер;
иелерін көрсете отырып, ауыл шаруашылығы жануарларын бірдейлендіру дерекқорынан алынған ауыл шаруашылығы жануарлары басының саны туралы деректер;
