Шаруашылық және өзге қызметтерге экологиялық нормативтер мен экологиялық талаптарды бекіту туралы
Қазақстан Республикасы Энергетика министрінің 2014 жылғы 13 қазандағы № 57 бұйрығы
Осы редакция 2016 жылғы 6 қаңтарда енгізілген өзгерістеріне дейін қолданылды
Қазақстан Республикасы Экологиялық кодексінің 17-бабы 5) тармақшасына сәйкес БҰЙЫРАМЫН:
1. Қоса беріліп отырған шаруашылық және өзге қызметтерге экологиялық нормативтер мен экологиялық талаптар бекітілсін.
2. Қазақстан Республикасы Энергетика министрлігінің Қалдықтарды басқару департаменті (Шаханов Б.М.):
1) Қазақстан Республикасының Әділет министрлігінде осы бұйрықтың мемлекеттік тіркеуден өтуін;
2) Қазақстан Республикасының Әділет министрлігінде оның мемлекеттік тіркелгеннен кейін күнтізбелік он күн ішінде осы бұйрықты ресми жариялауға және «Әділет» ақпараттық құқықтық жүйеге жіберуді;
2) осы бұйрықты Қазақстан Республикасы Энергетика министрлігінің ресми интернет-ресурсында жариялауды қамтамасыз етсін.
3) Осы бұйрықтың орындалуын бақылау Қазақстан Республикасының Энергетика министрлігінің жетекшілік ететін вице-министріне жүктелсін.
4) Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.
Қазақстан Республикасы
Энергетика министрінің
2014 жылдың 13 қазандағы
№ 57 бұйрығымен
бекітілген
Шаруашылық және өзге қызметтерге экологиялық нормативтер мен экологиялық
талаптар
1. Жалпы ережелер
1. Осы экологиялық нормативтер мен экологиялық талаптар Щучинск-Бурабай курорттық аймағының су нысандарында мәдени-тұрмыстық су пайдаланумен байланысты шаруашылық және өзге қызметтерге және табиғи су айдындарын сақтау және қалпына келтіру мақсаттарында оларды тазалау жөніндегі жұмыстарға нормативтер мен талаптарды белгілейді.
2. Экологиялық нормативтер мен талаптар
2. Су нысандарында мәдени-тұрмыстық су пайдаланумен байланысты шаруашылық және өзге қызмет су нысандарының экожүйесінің теңгеріміне, судың құрамы мен қасиеттеріне ең төменгі антропогендік әсермен жүзеге асырылуы керек.
