Атырау қаласы аумағында сайлау учаскелерін құру туралы
Атырау облысы Атырау қаласы әкімінің 2020 жылғы 25 қарашадағы № 37 шешімі
(2023.17.01. берілген өзгерістермен)
Осы редакция 2024 жылғы 9 шілдеде енгізілген өзгерістеріне дейін қолданылды
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 23-бабына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 33-бабына сәйкес, Атырау қаласының әкімі ШЕШІМ ҚАБЫЛДАДЫ:
1. Осы шешімнің қосымшасына сәйкес Атырау қалалық аумақтық сайлау комиссиясымен келісе отырып, Атырау қаласы аумағында сайлау учаскелері құрылсын.
2. Атырау қаласы әкімінің:
1) 2018 жылғы 26 желтоқсандағы № 29 «Атырау қаласы аумағында сайлау учаскелерін құру туралы» (Нормативтік құқықтық актілерді мемлекеттік тіркеу тізілімінде № 4323 болып тіркелген, 2019 жылы 24 қаңтарда Қазақстан Республикасы нормативтік құқықтық актілерінің эталондық бақылау банкінде жарияланған);
2) 2019 жылғы 8 мамырдағы № 15 «Атырау қаласы әкімінің 2018 жылғы 26 желтоқсандағы № 29 «Атырау қаласы аумағында сайлау учаскелерін құру туралы» шешіміне өзгерістер енгізу туралы» (Нормативтік құқықтық актілерді мемлекеттік тіркеу тізілімінде № 4395 болып тіркелген, 2019 жылы 17 мамырда Қазақстан Республикасы нормативтік құқықтық актілерінің эталондық бақылау банкінде жарияланған);
3) 2020 жылғы 3 тамыздағы № 25 «Атырау қаласы әкімінің 2018 жылғы 26 желтоқсандағы № 29 «Атырау қаласы аумағында сайлау учаскелерін құру туралы» шешіміне өзгерістер мен толықтырулар енгізу туралы» (Нормативтік құқықтық актілерді мемлекеттік тіркеу тізілімінде № 4706 болып тіркелген, 2020 жылы 12 тамызда Қазақстан Республикасы нормативтік құқықтық актілерінің эталондық бақылау банкінде жарияланған) шешімдерінің күші жойылды деп танылсын.
3. Осы шешімнің орындалуын бақылау «Атырау қаласы әкімінің аппараты» мемлекеттік мекемесінің басшысы С. Нсанбаевқа жүктелсін.
