Шағын индустриялық аймақтарды құру және олардың жұмыс істеу ережесін бекіту туралы
Қазақстан Республикасы Индустрия және инфрақұрылымдық даму министрінің 2019 жылғы 3 қыркүйектегі № 693 бұйрығы
Осы редакция 2024 жылғы 1 тамызда енгізілген өзгерістеріне дейін қолданылды
«Қазақстан Республикасындағы арнайы экономикалық және индустриялық аймақтар» 2019 жылғы 3 сәуірдегі Қазақстан Республикасының Заңы 11-бабының 20) тармақшасына сәйкес БҰЙЫРАМЫН:
1. Қоса беріліп отырған шағын индустриялық аймақтарды құру және олардың жұмыс істеу ережесі бекітілсін.
2. Қазақстан Республикасы Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитеті:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасының Индустрия және инфрақұрылымдық даму министрлігінің жетекшілік ететін орынбасарына жүктелсін.
4. Осы бұйрық алғаш ресми жарияланған күнінен кейін он күнтізбелік күн өткен соң қолданысқа енгізіледі.
«КЕЛІСІЛДІ»
Қазақстан Республикасының
Қаржы министрлігі
Қазақстан Республикасы
Индустрия және
инфрақұрылымдық даму
Министрінің
2019 жылғы 3 қыркүйектегі
№ 693 бұйрығымен
бекітілген
Шағын индустриялық аймақтар құру және жұмыс істеу
ережесі
1-тарау. Жалпы ережелер
1. Осы шағын индустриялық аймақтарды құру және жұмыс істеу қағидалары (бұдан әрі-қағидалар) Қазақстан Республикасының 2019 жылғы 3 сәуірдегі Заңының 11-бабының 20-тармағына сәйкес әзірленді.
«Қазақстан Республикасындағы арнайы экономикалық және индустриялық аймақтар туралы» Қазақстан Республикасының Заңына (бұдан әрі - заң) сәйкес әзірленді және шағын индустриялық аймақтарды құру және олардың жұмыс істеу тәртібін айқындайды.
