Экспорты және (немесе) импорты лицензиялауға жататын тауарлардың, лицензиарлардың және лицензия беруге келісуді жүзеге асыратын мемлекеттік органдардың тізбесін бекіту туралы
Қазақстан Республикасы Үкіметінің 2015 жылғы 24 сәуірдегі № 287 Қаулысы
(2017.02.11. берілген өзгерістермен)
Осы редакция 2019 жылғы 10 шілдеде енгізілген өзгерістеріне дейін қолданылды
«Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңы 10-бабының 2) тармақшасына және 37-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған экспорты және (немесе) импорты лицензиялауға жататын тауарлардың, лицензиарлардың және лицензия беруге келісуді жүзеге асыратын мемлекеттік органдардың тізбесі бекітілсін.
2. Осы қаулыға қосымшаға сәйкес Қазақстан Республикасы Үкiметiнiң кейбiр шешiмдерiнiң күшi жойылды деп танылсын.
3. Осы қаулы алғашқы ресми жарияланған күнінен кейін күнтiзбелiк он күн өткен соң қолданысқа енгiзiледi.
| Қазақстан Республикасының Премьер-Министрі | К. Мәсімов |
ҚР Үкіметінің 2017.02.11. № 708 Қаулысымен тізбе жаңа редакцияда (ресми жарияланған күнінен кейін алты ай өткен соң қолданысқа енгiзiлдi) (бұр.ред.қара)
Қазақстан Республикасы
Үкіметінің
2015 жылғы 24 сәуірдегі
№ 287 қаулысымен
бекітілген
Экспорты және (немесе) импорты лицензиялауға жататын тауарлардың, лицензиарлардың
және лицензия беруге келісуді жүзеге асыратын мемлекеттік органдардың
тізбесі
| Р/с № | Экспорты және (немесе) импорты лицензиялауға жататын тауарлар тізбесі | Лицензиар | Келісуші мемлекеттік орган |
| 1 | 2 | 3 | 4 |
| 1. | Озонды бұзатын заттардың және құрамында озонды бұзатын заттар бар өнімдердің экспорты мен импорты | ЭМ | - |
| 2. | Өсімдіктерді (пестицидтерді) қорғау құралдарының импорты | АШМ | - |
| 3. | Қауіпті қалдықтардың экспорты мен импорты | ЭМ | - |
| 4. | Минералогия, палеонтология, қазба жануарлардың сүйектері бойынша коллекциялық материалдардың экспорты | БҒМ | - |
| 5. | Жабайы тірі жануарлардың, жекелеген жабайы өсетін өсімдіктердің және жабайы өсетін дәрілік шикізаттың экспорты | АШМ | - |
