«Мекенжай тіркелімі» ақпараттық жүйесінің ақпараттық қауіпсіздігі жөніндегі нормативтік-техникалық құжаттаманы бекіту туралы
Қазақстан Республикасы Цифрлық даму, инновациялар және аэроғарыш өнеркәсібі вице-министрінің 2023 жылғы 28 наурыздағы № 108/НҚ бұйрығы
«Құқықтық актілер туралы» Қазақстан Республикасы Заңының 65-бабының 3-тармағына, Қазақстан Республикасы Үкіметінің қаулысымен бекітілген Ақпараттық-коммуникациялық технологиялар және ақпараттық қауіпсіздік саласындағы бірыңғай талаптардың 31-тармағына сәйкес Қазақстан Республикасының 2016 жылғы 20 желтоқсандағы № 832 қаулысымен және «Мекенжай тіркелімі» ақпараттық жүйесінің қауіпсіз жұмыс істеуін, үздіксіз жұмысын қамтамасыз ету мақсатында БҰЙЫРАМЫН:
1. «Мекенжай тіркелімі» ақпараттық жүйесінің ақпараттық қауіпсіздігі жөніндегі нормативтік-техникалық құжаттаманың қоса беріліп отырған тізбесі бекітілсін.
2. «Мекенжай тіркелімі» ақпараттық жүйесіне жауапты басшылары және барлық қызметкерлерінің осы қағидалар мен нұсқаулықтардың талаптарын мүлтіксіз сақтауы жөнінде түбегейлі шаралар қабылдасын.
3. Қазақстан Республикасы Цифрлық даму, инновациялар және аэроғарыш өнеркәсібі министрлігінің Цифрлық шешімдер департаменті осы бұйрықты «Мекенжай тіркелімі» ақпараттық жүйесіне жауапты басшыларының назарына жеткізсін.
4. Осы бұйрықтың орындалуын бақылауды өзіме қалдырамын.
5. Осы бұйрық қол қойылған күнінен бастап күшіне енеді.
Қазақстан Республикасының
Цифрлық даму, инновациялар
және аэроғарыш өнеркәсібі
вице-министрінің
2023 жылғы 28 наурыздағы
№ 108/НҚ бұйрығымен
бекітілген
«Мекенжай тіркелімі» ақпараттық жүйесінің ақпараттық қауіпсіздігі
жөніндегі нормативтік-техникалық құжаттаманың
тізбесі
1. Ақпараттық қауіпсіздік саясаты. «Мекенжай тіркелімі» ақпараттық жүйесі (МТ АЖ) Осы Тізбеге 1-қосымшаға сәйкес;
