Қоршаған ортаны қорғау, табиғи ресурстарды молайту мен пайдалану саласындағы тәуекел дәрежесін бағалау өлшемшарттарын және тексеру парақтарын бекіту туралы
Қазақстан Республикасы Энергетика министрінің 2015 жылғы 15 желтоқсандағы № 721 және Қазақстан Республикасы Ұлттық экономика министрінің 2015 жылғы 30 желтоқсандағы № 835 бірлескен бұйрығы
(2022.19.08. берілген өзгерістер мен толықтырулармен)
Осы редакция 2023 жылғы 14 маусымда енгізілген өзгерістеріне дейін қолданылды
ҚР Энергетика министрінің 2018.19.11. № 448 және ҚР Ұлттық экономика министрінің 2018.26.11. № 80 бірлескен бұйрығымен тақырыбы жаңа редакцияда (бұр.ред.қара)
ҚР Энергетика министрінің 2018.19.11. № 448 және ҚР Ұлттық экономика министрінің 2018.26.11. № 80 бірлескен бұйрығымен (бұр.ред.қара); ҚР Экология, геология және табиғи ресурстар министрінің м.а. 2022.19.08. № 576 және ҚР Ұлттық экономика министрінің м.а. 2022.19.08. № 57 бірлескен бұйрығымен (бұр.ред.қара) кіріспе жаңа редакцияда
«Қазақстан Республикасының Кәсіпкерлік кодексі 141-бабының 3-тармағына, 143-бабының 1-тармағына сәйкес БҰЙЫРАМЫЗ:
ҚР Энергетика министрінің 2018.19.11. № 448 және ҚР Ұлттық экономика министрінің 2018.26.11. № 80 бірлескен бұйрығымен (бұр.ред.қара); ҚР Экология, геология және табиғи ресурстар министрінің м.а. 2022.19.08. № 576 және ҚР Ұлттық экономика министрінің м.а. 2022.19.08. № 57 бірлескен бұйрығымен (бұр.ред.қара) 1-тармақ жаңа редакцияда
1. Қоса беріліп отырған:
1) осы бірлескен бұйрыққа 1-қосымшаға сәйкес қоршаған ортаны қорғау, табиғи ресурстарды молайту және пайдалану саласындағы тәуекел дәрежесін бағалау өлшемшарттары;
2) осы бірлескен бұйрыққа 2-қосымшаға сәйкес табиғи ресурстарды пайдалануды және (немесе) қоршаған ортаға эмиссияны жүзеге асыратын жеке немесе заңды тұлғаларға қатысты қоршаған ортаны қорғау, табиғи ресурстарды молайту және пайдалану саласындағы тексеру парағы;
