ҚР Индустрия және инфрақұрылымдық даму министрінің 2021.28.01. № 38 бұйрығымен қағида жаңа редакцияда (бұр.ред.қара)
Қазақстан Республикасы
Индустрия және инфрақұрылымдық даму министрінің
2020 жылғы 30 мамырдағы
№ 323 бұйрығына
5-қосымша
«Тарату қорын пайдалануға рұқсат беру»
мемлекеттік қызметтер көрсету қағидалары
(2021.28.01. берілген өзгерістермен)
1-тарау. Жалпы ережелер
1. Осы «Тарату қорын пайдалануға рұқсат беру» мемлекеттік қызметтер көрсету қағидалары (бұдан әрі - Қағидалар) «Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының (бұдан әрі - Заң) 10-бабының 1) тармақшасына сәйкес әзірленді.
2. «Тарату қорын пайдалануға рұқсат беру» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Индустрия және инфрақұрылымдық даму министрлігі (бұдан әрі - көрсетілетін қызметті беруші) көрсетеді.
3. Қағидалар жер қойнауын пайдалану саласындағы қызметті жүзеге асыратын жеке және заңды тұлғаларға (бұдан әрі - көрсетілетін қызметті алушы) қолданылады.
2-тарау. Мемлекеттік қызметтер көрсету тәртібі
4. Көрсетілетін қызметті алушы мемлекеттік қызметті www.egov.kz электрондық үкіметтің веб-порталы арқылы ұсынады, осы Қағидаларға 1-қосымшаға сәйкес нысан бойынша өтінішті «Тіркеу» мемлекеттік көрсетілетін қызмет стандартының осы Қағидаларына 2-қосымшаның 8-тармағында көрсетілген құжаттармен жібереді. «Тарату қорын пайдалануға рұқсат беру» (бұдан әрі - «Мемлекеттік қызмет стандарты»).
Мемлекеттік қызмет көрсетуге қойылатын негізгі талаптардың тізбесі, оның ішінде процестің сипаттамасын, ұсыну нысаны, мазмұны және нәтижесі, сондай-ақ мемлекеттік қызметтер көрсетудің ерекшеліктерін ескере отырып, өзге де ақпарат Мемлекеттік қызмет стандартында көрсетілген.
5. Көрсетілетін қызметті беруші құжаттарды олар алынған күні тіркейді.
