«Түркістан облысы Кентау қаласының шекарасын өзгерту туралы» Қазақстан Республикасы Үкіметінің 2023 жылғы 14 шілдедегі № 579 Қаулысы

Түркістан облысы Кентау қаласының шекарасын өзгерту туралы
Қазақстан Республикасы Үкіметінің 2023 жылғы 14 шілдедегі № 579 Қаулысы

«Қазақстан Республикасының әкімшілік-аумақтық құрылысы туралы» Қазақстан Республикасының Заңы 11-бабының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Осы қаулыға қосымшаға сәйкес жалпы ауданы 75552,0 гектар Сауран ауданының жерлерін қосу арқылы Түркістан облысы Кентау қаласының шекарасын (шегін) өзгерту туралы Түркістан облыстық мәслихатының 2023 жылғы 28 сәуірдегі № 2/13-VIІІ бірлескен шешіміне және «Түркістан облысы Кентау қаласының және Сауран ауданының шекараларын өзгерту және белгілеу туралы» Түркістан облысы әкімдігінің 2023 жылғы 2 мамырдағы № 80 қаулысына келісім берілсін.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.