Бірыңғай медициналық ақпараттық call-орталықтың қызметін ұйымдастыру қағидаларын және оның қызметінің регламентін бекіту туралы
Қазақстан Республикасы Денсаулық сақтау министрінің 2020 жылғы 8 қазандағы № 648 бұйрығы
«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексінің 8-бабының 22) тармақшасына сәйкес БҰЙЫРАМЫН:
1. Осы бұйрыққа қосымшаға сәйкес Бірыңғай медициналық ақпараттық call-орталықтың қызметін ұйымдастыру қағидалары және оның қызметінің регламенті бекітілсін.
2. Қазақстан Республикасы Денсаулық сақтау министрлігінің Тауарлар мен көрсетілетін қызметтердің сапасы мен қауіпсіздігін бақылау комитеті осы бұйрық қабылданған күннен бастап күнтізбелік он күннің ішінде оны Қазақстан Республикасы Денсаулық сақтау министрлігінің интернет-ресурсында орналастырсын.
3. Осы бұйрықтың орындалуын бақылау Қазақстан Республикасының Денсаулық сақтау вице-министрі - Бас мемлекеттік санитариялық дәрігері Е.А. Қиясовқа жүктелсін.
4. Осы бұйрық қол қойылған күнінен бастап қолданысқа енгізіледі.
Қазақстан Республикасы
Денсаулық сақтау министрінің
2020 жылғы 8 қазандағы
№ 648 бұйрығына
қосымша
Бірыңғай медициналық ақпараттық call-орталықтың қызметін
ұйымдастыру қағидалары және оның қызметінің
регламенті
1-тарау. Жалпы ережелер
1. Осы Бірыңғай медициналық ақпараттық call-орталықтың қызметін ұйымдастыру қағидалары және оның қызметінің регламенті (бұдан әрі - Қағидалар) «Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексінің 8-бабының 22) тармақшасына сәйкес әзірленді және бірыңғай медициналық ақпараттық call-орталықтың (бұдан әрі - Call-орталық) қызметін ұйымдастыру тәртібін және оның қызметінің регламентін айқындайды.
2. Осы Қағидаларда пайдаланылатын негізгі ұғымдар:
