Су шаруашылық және гидротехникалық құрылысжайларының техникалық жай-күйіне зерттеп-қарауды жүргізу қағидаларын бекіту туралы
Қазақстан Республикасы Су ресурстары және ирригация министрінің м.а. 2025 жылғы 4 шілдедегі № 169-НҚ бұйрығы
Қазақстан Республикасының Су кодексінің 23-бабының 1-тармағының 29-тармақшасына сәйкес БҰЙЫРАМЫН:
1. Қоса беріліп отырған Су шаруашылық және гидротехникалық құрылысжайларының техникалық жай-күйіне зерттеп-қарауды жүргізу қағидалары бекітілсін.
2. Қазақстан Республикасы Су ресурстары және ирригация министрлігінің Су шаруашылығы құрылыстарын дамыту департаменті заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрық ресми жарияланғаннан кейін оны Қазақстан Республикасы Су ресурстары және ирригация министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Су ресурстары және ирригация вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасы Су ресурстары және ирригация министрі м.а. | А. Абдраимов |
Қазақстан Республикасы
Су ресурстары және
ирригация министрі м.а.
2025 жылғы 4 шілдедегі
№ 169-НҚ бұйрықпен бекітілген
Су шаруашылығы және гидротехникалық құрылысжайлардың техникалық жай-күйіне зерттеп-қарауды жүргізу
қағидалары
1-тарау. Жалпы ережелер
1. Осы су шаруашылығы және гидротехникалық құрылысжайлардың техникалық жай-күйіне зерттеп-қарауды жүргізу қағидалары (бұдан әрі - Қағидалар) Қазақстан Республикасы Су кодексінің (бұдан әрі - Кодекс) 23-бабы 1-тармағының 29) тармақшасына сәйкес әзірленді және су шаруашылығы және гидротехникалық құрылысжайлардың (бұдан әрі - құрылысжайлар) зерттеп-қараудың тәртібі айқындайды.
2. Құрылысжайлардың техникалық жай-күйіне зерттеп-қарауды жүргізудің негізгі міндеттері:
