«Электр станцияларының, жылу және электр желілерінің жабдықтарына, ғимараттары мен құрылыстарына техникалық қызмет көрсетуді және оларды жөндеуді ұйымдастыру қағидаларын бекіту туралы» Қазақстан Республикасы Энергетика министрінің 2015 жылғы 11 ақпандағы № 73 бұйрығына өзгерістер мен толықтырулар енгізу туралы
Қазақстан Республикасы Энергетика министрінің 2019 жылғы 7 наурыздағы № 77 бұйрығы
БҰЙЫРАМЫН:
1. «Электр станцияларының, жылу және электр желілерінің жабдықтарына, ғимараттары мен құрылыстарына техникалық қызмет көрсетуді және оларды жөндеуді ұйымдастыру қағидаларын бекіту туралы» Қазақстан Республикасы Энергетика министрінің 2015 жылғы 11 ақпандағы № 73 бұйрығына (Нормативтік құқықтық актілерді мемлекеттік тіркеу тізілімінде № 10451 болып тіркелген, 2015 жылғы 3 сәуірде «Әділет» ақпараттық-құқықтық жүйесінде жарияланған) мынадай өзгерістер мен толықтырулар енгізілсін:
көрсетілген бұйрықпен бекітілген Электр станцияларының, жылу және электр желілерінің жабдықтарына, ғимараттары мен құрылыстарына техникалық қызмет көрсетуді және оларды жөндеуді ұйымдастыру қағидаларында:
мынадай мазмұндағы 24-1-тармақпен толықтырылсын:
«24-1. Электр желілеріне қызмет көрсету кезінде энергия беруші ұйымы электр желілеріне сынақтар мен өлшеулерді жүргізуді қамтамасыз етеді, олардың нәтижелері осы Қағидаларға 12, 13, 14-қосымшаларға сәйкес нысан бойынша электр желілерінің техникалық жай-күйінің негізгі параметрлерінің ведомостарына енгізіледі.
Электр желілерін жөндеудің нәтижесі бойынша энергия беруші ұйым осы Қағидаларға 12, 13, 14-қосымшаларға сәйкес нысан бойынша электр желілерінің техникалық жай-күйінің негізгі параметрлерінің ведомостарын толтырады.»;
осы бұйрыққа 1, 2, 3, 4, 5, 6, 7, 8, 9, 10-қосымшаларға сәйкес 2, 3, 4, 5, 6, 7, 8, 9, 10, 11-қосымшалар жаңа редакцияда жазылсын;
осы бұйрыққа 11, 12, 13-қосымшаларға сәйкес 12, 13, 14-қосымшалармен толықтырылсын.
