Сәйкестендіру құралдарын қолдану қағидасы мен оларды дайындауға қойылатын талаптарды бекіту туралы
Қазақстан Республикасы Қаржы министрлігінің 2010 жылғы 27 тамыздағы № 428 бұйрығы
(2016.18.03. берілген өзгерістермен)
Осы редакция 2017 жылғы 15 ақпанда енгізілген өзгерістеріне дейін қолданылды
ҚР Қаржы министрінің 2016.18.03. № 139 бұйрығымен тақырыбы жаңа редакцияда (бұр.ред.қара)
«Қазақстан Республикасындағы кеден ісі туралы» Қазақстан Республикасы Кодексінің 198-бабының 2-тармағына сәйкес бұйырамын:
ҚР Қаржы министрінің 2016.18.03. № 139 бұйрығымен 1-тармақ жаңа редакцияда (бұр.ред.қара)
1. Қоса беріліп отырған Сәйкестендіру құралдарын қолдану қағидасы мен оларды дайындауға қойылатын талаптар.
2. Қазақстан Республикасы Қаржы министрлігінің Кедендік бақылау комитеті (Қ-К.Ж. Кәрбозов) заңнамада белгіленген тәртіппен осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін.
3. Осы бұйрық оның бірінші ресми жарияланған күнінен бастап қолданысқа енгізіледі және 2010 жылғы 1 шілдеден бастап пайда болған қатынастарға таралады.
Қаржы министрінің
2010 жылғы 27 тамыздағы № 428
бұйрығымен бекітілген
ҚР Қаржы министрінің 2016.18.03. № 139 бұйрығымен тақырыбы жаңа редакцияда (бұр.ред.қара)
Сәйкестендіру құралдарын қолдану қағидасы мен оларды дайындауға қойылатын
талаптар
1. Жалпы ережелер
ҚР Қаржы министрінің 2016.18.03. № 139 бұйрығымен 1-тармақ жаңа редакцияда (бұр.ред.қара)
1. Осы Қағида сәйкестендіру құралдарын қолдану тәртібі мен оларды дайындауға қойылатын талаптарды айқындайды.
2. Сәйкестендіру пломбаларды, мөрлерді қою, цифрлық, әріптік және өзге де маркалауды, сәйкестендіру белгілерін салу, мөртаңбаларды қою, сынамалар мен үлгілерді алу, тауарларды егжей-тегжейлі сипаттау, сызбаларды жасау, ауқымды бейнелерді, фотографияларды, иллюстрацияларды жасау, тауарға ілеспе құжаттаманы пайдалану жолымен және өзге де тәсілдермен жүргізіледі.
