Байланысты гранттарды пайдалану барысы мен нәтижелері туралы есептілікті ұсыну қағидаларын, мерзімдерін және нысандарын, сондай-ақ ұсынылатын ақпаратқа қойылатын талапты, сондай-ақ байланысты гранттардың пайдаланылуын бағалау қағидаларын бекіту туралы
Қазақстан Республикасы Ұлттық экономика министрінің м.а. 2025 жылғы 30 маусымдағы № 62 және Қазақстан Республикасы Қаржы министрінің 2025 жылғы 1 шілдедегі № 336 бірлескен бұйрығы
Қазақстан Республикасының Бюджет кодексі 167-бабының 2 және 3- тармақтарына сәйкес БҰЙЫРАМЫЗ:
1. Мыналар:
1) осы бұйрыққа 1-қосымшаға сәйкес Байланысты гранттарды пайдалану барысы мен нәтижелері туралы есептілікті ұсыну қағидалары, мерзімдері мен нысандары, сондай-ақ ұсынылатын ақпаратқа қойылатын талаптар;
2) осы бұйрыққа 2-қосымшаға сәйкес Байланысты гранттардың пайдаланылуын бағалау қағидалары бекітілсін.
2. Халықаралық экономикалық ынтымақтастық департаменті заңнамада белгіленген тәртіппен осы бұйрыққа қол қойылған күннен бастап бес жұмыс күні ішінде оны Қазақстан Республикасының нормативтік құқықтық актілерінің эталондық бақылау банкінде және алғашқы ресми жарияланған күнінен кейін Қазақстан Республикасы Ұлттық экономика министрлігінің интернет-ресурсында орналастыру үшін жіберуді қамтамасыз етсін.
3. Осы бірлескен бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне және жетекшілік ететін Қазақстан Республикасының Қаржы вице-министріне жүктелсін.
4. Осы бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасының Қаржы министрі | М. Такиев |
| Қазақстан Республикасы Ұлттық экономика министрдің міндетін атқарушы | А. Амрин |
«КЕЛІСІЛДІ»
Қазақстан Республикасының
Ұлттық статистика бюросы
Қазақстан Республикасының
Қаржы министрі
2025 жылғы 1 шілдедегі
№ 336 мен
Министрдің міндетін атқарушы
2025 жылғы 30 маусымдағы
№ 62 бірлескен бұйрыққа
1-қосымша
