«Қазақстан Республикасы Оқу-ағарту министрлігінің регламентін бекіту туралы» Қазақстан Республикасы Оқу-ағарату министрінің 2022 жылғы 9 қарашадағы № 452 бұйрығына өзгеріс енгізу туралы
Қазақстан Республикасы Оқу-ағарту министрінің 2024 жылғы 21 ақпандағы № 43 бұйрығы
Қазақстан Республикасының Әкімшілік рәсімдік-процестік кодексінің 40-бабының 1-тармағына және «Құқықтық актілер туралы» Қазақстан Республикасы Заңының 65-бабының 3-тармағына сәйкес БҰЙЫРАМЫН:
1. «Қазақстан Республикасы Оқу-ағарту министрлігінің регламентін бекіту туралы» Қазақстан Республикасы Оқу-ағарату министрінің 2022 жылғы 9 қарашадағы № 452 бұйрығына мынадай өзгеріс енгізілсін:
Қазақстан Республикасы Оқу-ағарту министрлігінің Регламенті осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Оқу-ағарту министрлігінің вице-министрлері, аппарат басшысы, құрылымдық бөлімшелері мен ведомстволарының басшылары Регламент талаптарының қатаң сақталуын қамтамасыз етсін.
3. Осы бұйрықтың орындалуын бақылау Қазақстан Республикасы Оқу-ағарту вице-министрлері мен аппарат басшысына жүктелсін.
4. Осы бұйрық қол қойылған күнінен бастап күшіне енеді.
Қазақстан Республикасы
Оқу-ағарту министрінің
2024 жылғы 21 ақпандағы
№ 43 бұйрығымен бекітілген
Қазақстан Республикасы Оқу-ағарту министрлігінің
РЕГЛАМЕНТІ
1-тарау. Жалпы ережелер
1. Осы Регламент (бұдан әрі - Регламент) Қазақстан Республикасы Оқу-ағарту министрлігіне (бұдан әрі - Министрлік) жүктелген функцияларды орындау процесінде Министрліктің қызметінің жалпы қағидаларын белгілейді.
