Әйтеке би ауданында әлеуметтік көмеккөрсету, мөлшерлерін белгілеу және мұқтаж азаматтардың жекелеген санаттарының тізбесін айқындау Қағидаларын бекіту туралы
Ақтөбе облысы Әйтеке би аудандық мәслихатының 2017 жылғы 9 маусымдағы № 132 шешімі
(2020.24.12. берілген өзгерістермен)
Осы редакция 2021 жылғы 10 наурызда енгізілген өзгерістеріне дейін қолданылды
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына және Қазақстан Республикасы Үкіметінің 2013 жылғы 21 мамырдағы № 504 «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы» қаулысына сәйкес, Әйтеке би аудандық мәслихаты ШЕШІМ ҚАБЫЛДАДЫ:
1. Қоса беріліп отырған Әйтеке би ауданында әлеуметтік көмек көрсету, мөлшерлерін белгілеу және мұқтаж азаматтардың жекелеген санаттарының тізбесін айқындау Қағидалары бекітілсін.
2. Әйтеке би аудандық мәслихатының 2016 жылғы 14 қаңтардағы № 292 «Әйтеке би ауданында әлеуметтік көмек көрсету, мөлшерлерін белгілеу және мұқтаж азаматтардың жекелеген санаттарының тізбесін айқындау Қағидаларын бекіту туралы» (нормативтік құқықтық актілерді мемлекеттік тіркеу Тізілімінде № 4733 тіркелген, 2016 жылғы 25 ақпанда «Жаңалық жаршысы» газетінде жарияланған) шешімінің күші жойылды деп танылсын.
3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Әйтеке би аудандық мәслихатының сессия төрағасы | Л. Г. Бураханова |
| Әйтеке би аудандық мәслихатының хатшысы | Е. Таңсықбаев |
«КЕЛІСІЛДІ»
«Ақтөбе облысының жұмыспен қамтуды үйлестіру
және әлеуметтік бағдарламалар басқармасы» мемлекеттік
мекемесінің басшысы _________________ Қ. Отаров
«____» ________________2017 жылғы
