Шымкент қаласының Құрмет грамотасымен наградтау туралы ережені бекіту туралы
Шымкент қалалық мәслихатының 2019 жылғы 29 наурыздағы № 47/386-6с шешiмi
(2023.21.10. берілген өзгерістер мен толықтырулармен)
Шымкент қаласы мәслихатының 2023.29.09. № 7/73-VIII шешiмiмен кіріспе жаңа редакцияда (2023 ж. 21 қазаннан бастап қолданысқа енгізілді) (бұр.ред.қара)
«Қазақстан Республикасындағы жергiлiктi мемлекеттiк басқару және өзiн-өзi басқару туралы» Қазақстан Республикасы Заңының 6-бабы 1-тармағының 12-3) тармақшасына сәйкес Шымкент қаласының мәслихаты ШЕШТІ:
Шымкент қаласы мәслихатының 2023.29.09. № 7/73-VIII шешiмiмен 1-тармақ жаңа редакцияда (2023 ж. 21 қазаннан бастап қолданысқа енгізілді) (бұр.ред.қара)
1. Шымкент қаласының Құрмет грамотасымен наградтау туралы ереже осы шешімнің қосымшасына сәйкес бекітілсін.
Шымкент қаласы мәслихатының 2023.29.09. № 7/73-VIII шешiмiмен 2-тармақ өзгертілді (2023 ж. 21 қазаннан бастап қолданысқа енгізілді) (бұр.ред.қара)
2. «Шымкент қаласы мәслихатының аппараты» мемлекеттік мекемесі Қазақстан Республикасының заңнамасында белгіленген тәртіппен:
1) осы шешімді Шымкент қаласының Әділет департаментінде мемлекеттік тіркеуді;
2) осы шешім мемлекеттік тіркелген күннен бастап күнтізбелік он күн ішінде оның көшірмесін қағаз және электронды түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнының филиалы - Шымкент аймақтық құқықтық ақпарат орталығына жіберуді;
3) осы шешім мемлекеттік тіркелген күннен бастап күнтізбелік он күн ішінде оның көшірмесін ресми жариялау үшін Шымкент қаласында таралатын мерзімді баспасөз басылымдарына жіберуді;
4) ресми жарияланғаннан кейін осы шешімді Шымкент қаласы мәслихатының интернет-ресурсына орналастыруын қамтамасыз етсін.
3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
