Типтік жобалау
ҚР ҚН 1.02-01-2023
МАЗМҰНЫ
1 ҚОЛДАНУ САЛАСЫ
2 НОРМАТИВТІК СІЛТЕМЕЛЕР
3 ТЕРМИНДЕР ЖӘНЕ АНЫҚТАМАЛАР
4 МАҚСАТТАР МЕН ФУНКЦИОНАЛДЫҚ ТАЛАПТАР
4.1 Нормативтік талаптардың мақсаттары
4.2 Функционалдық талаптар
5 ҮЛГІЛІК ЖОБАЛЫҚ ҚҰЖАТТАМАНЫҢ ҚҰРАМЫ МЕН МАЗМҰНЫ
6 ҮЛГІЛІК ЖОБАЛЫҚ ҚҰЖАТТАМАНЫ ӘЗІРЛЕУ ТӘРТІБІ
7 ҮЛГІЛІК ЖОБАЛЫҚ ҚҰЖАТТАМАНЫ КЕЛІСУ, БЕКІТУ ТӘРТІБІ
8 ҮЛГІЛІК ЖОБАЛЫҚ ҚҰЖАТТАМАНЫ ҚҰРЫЛЫСТЫҚ ҚҰЖАТТАМА ҚОРЫНА ЕНГІЗУ, ТАРАТУ МЕН БАСЫП ШЫҒАРУ ТӘРТІБІ
9 ҮЛГІЛІК ЖОБАЛЫҚ ҚҰЖАТТАМАНЫ ҚОЛДАНУ ТӘРТІБ
1 ҚОЛДАНУ САЛАСЫ
1.1 Бұл нормалар күрделі құрылыс нысандарының құрылысы кезінде үлгілік жобалық құжаттаманы әзірлеудің, келісудің, сараптаудың, бекітудің, басып шығарудың, құрылыстағы құжаттама қорына енгізудің, таратудың, қолданудың, қайта қарастырудың және күшін жоюдың тәртібін белгілейді.
1.2 Бұл нормалар Қазақстан Республикасының аумағында жеке меншік пен тәуелділік формаларына тәуелсіз барлық сәулет, қала құрылысы және құрылыс қызметі субъектілерінің, жеке еңбек қызметімен айналысатын немесе жеке құрылысты жүзеге асыратын азаматтардың, сондай-ақ шетелдік серіктестердің, шетелдік заңды және жеке тұлғалардың қатысуымен бірлескен кәсіпорындармен қатар қоғамдық және басқа да ұйымдардың қолданылуы үшін арналған.
1.3 Бұл нормалар әртүрлі өндірістік және өндірістік емес мақсатта қолданылатын күрделі құрылыс нысандары мен сызықты нысандардың үлгілік жобалық құжаттамасын әзірлеу кезінде және үлгілікқұрылыс конструкцияларды, бұйымдар мен түйіндерді жобалауда қолданылады.
2 НОРМАТИВТІК СІЛТЕМЕЛЕР
Осы құрылыс нормаларын қолдану үшін келесі сілтемелік нормативтік құжаттар қажет:
Қазақстан Республикасының 2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» Заңы (бұдан әрі - Заң).
