Қазақстан Республикасының автомобиль жолдарымен жүруге арналған автокөлік құралдарының жол берілетін параметрлерін бекіту туралы
Қазақстан Республикасы Инвестициялар және даму министрінің м.а. 2015 жылғы 26 наурыздағы № 342 бұйрығы
(2022.24.03. берілген өзгерістер мен толықтырулармен)
Осы редакция 2022 жылғы 7 желтоқсанда енгізілген өзгерістеріне дейін қолданылды
«Автомобиль көлігі туралы» 2003 жылғы 4 шілдедегі Қазақстан Республикасының Заңы 13-бабының 23-5) тармақшасына сәйкес БҰЙЫРАМЫН:
1. Қоса беріліп отырған Қазақстан Республикасының автомобиль жолдарымен жүруге арналған автокөлік құралдарының жол берілетін параметрлері (бұдан әрі - Параметрлер) бекітілсін.
ҚР Индустрия және инфрақұрылымдық даму министрінің 2020.06.08. № 425 бұйрығымен 1-1-тармақпен толықтырылды
1-1. Осы бұйрықтың күші Қазақстан Республикасында немесе Қытай Халық Республикасында тіркелген, Қытай Халық Республикасынан Қытай Халық Республикасымен Қазақстан Республикасының Мемлекеттік шекарасы арқылы қазақстандық автомобиль өткізу пункттерінің аумағында орналасқан көлік-логистикалық орталықтарға дейін жүк тасымалдауды жүзеге асыратын, осындай пункттердің шегінен тыс орналасқан Қазақстан Республикасының автомобиль жолдарына шығусыз автокөлік құралдарына қолданылмайды.
2. Қазақстан Республикасы Инвестициялар және даму министрлігінің Көліктік комитеті (Ә.А. Асавбаев):
1) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмелерінің мерзімді баспа басылымдарында және «Әділет» ақпараттық-құқықтық жүйесіне ресми жариялауға жіберілуін;
3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастыруды;
