Апелляциялық комиссия туралы ережені бекіту туралы
Қазақстан Республикасы Әділет министрінің м.а. 2018 жылғы 4 тамыздағы № 1221 бұйрығы
Осы редакция 2021 жылғы 22 қарашада енгізілген өзгерістеріне дейін қолданылды
Қазақстан Республикасының 1999 жылғы 13 шiлдедегi «Селекциялық жетiстiктердi қорғау туралы» Заңының 3-1-бабының 2-тармағына, Қазақстан Республикасының 1999 жылғы 16 шiлдедегi «Қазақстан Республикасының Патент заңы» Заңының 4-бабының 2-тармағына, Қазақстан Республикасының 1999 жылғы 26 шiлдедегi «Тауар таңбалары, қызмет көрсету таңбалары және тауар шығарылған жерлердiң атаулары туралы» Заңының 3-бабының 2-тармағының 2) тармақшасына және Қазақстан Республикасының 2001 жылғы 29 маусымдағы «Интегралдық микросхемалар топологияларын құқықтық қорғау туралы» Заңының 4-бабының 2) тармақшасына сәйкес БҰЙЫРАМЫН:
1. Қоса беріліп отырған Апелляциялық комиссия туралы ереже бекітілсін.
2. «Апелляциялық комиссия туралы ережені бекіту туралы» Қазақстан Республикасы Әділет министрінің 2012 жылғы 24 ақпандағы № 87 бұйрығының күші жойылсын.
3. Осы бұйрықтың орындалуын бақылау жетекшілік ететін Қазақстан Республикасы Әділет Вице-министріне жүктелсін.
4. Осы бұйрық қол қойылған күнінен бастап қолданысқа енгізіледі.
Қазақстан Республикасы
Әділет министрінің м.а.
2018 жылғы 4 тамыздағы
№ 1221 бұйрығымен
бекітілген
Апелляциялық комиссия туралы
ереже
1. Апелляциялық комиссия туралы ереже (бұдан әрі - Ереже) «Селекциялық жетістіктерді қорғау туралы» 1999 жылғы 13 шілдедегі Қазақстан Республикасының Заңына, «Қазақстан Республикасының Патент заңы» 1999 жылғы 16 шілдедегі Қазақстан Республикасының Заңына, «Тауар таңбалары, қызмет көрсету таңбалары және тауар шығарылған жерлердің атаулары туралы» 1999 жылғы 26 шілдедегі Қазақстан Республикасының Заңына және «Интегралдық микросхемалар топологияларын құқықтық қорғау туралы» 2001 жылғы 29 маусымдағы Қазақстан Республикасының Заңына сәйкес әзірленді.
