«Мемлекеттік ветеринариялық-санитариялық инспекторлардың, мемлекеттік ветеринариялық дәрігерлердің нұсқамаларының нысандарын, оларды жасау және беру қағидаларын бекіту туралы» Қазақстан Республикасы Ауыл шаруашылығы министрінің 2013 жылғы 22 шілдедегі № 16-07/333 бұйрығына өзгерістер енгізу туралы
Қазақстан Республикасы Ауыл шаруашылығы министрінің 2020 жылғы 10 ақпандағы № 46 бұйрығы
БҰЙЫРАМЫН:
1. «Мемлекеттік ветеринариялық-санитариялық инспекторлардың, мемлекеттік ветеринариялық дәрігерлердің нұсқамаларының нысандарын, оларды жасау және беру қағидаларын бекіту туралы» Қазақстан Республикасы Ауыл шаруашылығы министрінің 2013 жылғы 22 шілдедегі № 16-07/333 бұйрығына (Нормативтік құқықтық актілерді мемлекеттік тіркеу тізілімінде № 8662 болып тіркелген, «Егемен Қазақстан» газетінің 2013 жылғы 19 желтоқсандағы № 277 (28216) санында жарияланған) мынадай өзгерістер енгізілсін:
тақырыбы мынадай редакцияда жазылсын:
«Нұсқама нысандарын, оларды жасау және беру қағидаларын бекіту туралы»;
1-тармақта:
4) тармақша мынадай редакцияда жазылсын:
«4) осы бұйрыққа 4-қосымшаға сәйкес шаруашылық қызметке немесе қызметтің жекелеген түрлеріне тыйым салу немесе оны тоқтата тұру туралы нұсқама нысанын;»;
5-тармақша алып тасталсын;
8), 9) және 10) тармақшалар мынадай редакцияда жазылсын:
«8) осы бұйрыққа 8-қосымшаға сәйкес ветеринариялық паспорт беру қағидаларын бұзушылық туралы нұсқама нысанын;
9) осы бұйрыққа 9-қосымшаға сәйкес ауру жануарларды санитариялық тазалау, санитариялық сою туралы нұсқама нысанын;
10) осы бұйрыққа 10-қосымшаға сәйкес Нұсқамаларды жасау және беру қағидалары.»;
көрсетілген бұйрыққа 1, 2, 3, 4, 6, 7, 8, 9 және 10-қосымшалар осы бұйрыққа 1, 2, 3, 4, 5, 6, 7, 8 және 9-қосымшаларға сәйкес жана редакцияда жазылсын.
2. Қазақстан Республикасы Ауыл шаруашылығы министрлігінің Ветеринариялық, фитосанитариялық және тамақ қауіпсіздігі департаменті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
