Төтенше жағдай аймағындағы халықтың ең төменгі тіршілігін қамтамасыз ету нормаларын бекіту туралы
Қазақстан Республикасы Төтенше жағдайлар министрінің 2023 жылғы 7 маусымдағы № 299 бұйрығы
Осы редакция 2025 жылғы 27 тамызда енгізілген өзгерістеріне дейін қолданылды
«Азаматтық қорғау туралы» Қазақстан Республикасы Заңының 12-бабының 69) тармақшасына сәйкес, БҰЙЫРАМЫН:
1. Қоса берiлiп отырған төтенше жағдай аймағындағы халықтың ең төменгі тіршілігін қамтамасыз ету нормалары бекiтiлсiн.
2. Қазақстан Республикасы Төтенше жағдайлар министрлігінің Төтенше жағдайларды жою департаменті Қазақстан Республикасы заңнамасында белгілінген тәртіпте:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Төтенше жағдайлар министрлігінің интернет-ресурсына орналастыруды қамтамасыз етсін;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Төтенше жағдайлар министрлігінің Заң департаментіне ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Төтенше жағдайлар вице-министріне жүктелсін.
4. Осы бұйрық алғашқы ресми жарияланған күннен кейін күнтізбелік он күн өткен соң қолданысқа енгізіледі.
| Қазақстан Республикасының Төтенше жағдайлар министрі | Ю. Ильин |
«КЕЛІСІЛДІ»
Қазақстан Республикасы
Қаржы министрлігі
«КЕЛІСІЛДІ»
Қазақстан Республикасы
Ұлттық экономика министрлігі
Қазақстан Республикасының
Төтенше жағдайлар министрі
2023 жылғы 7 маусымдағы
№ 299 бұйрықпен
бекітілген
Төтенше жағдай аймағындағы халықтың ең төменгі тіршілігін қамтамасыз ету
нормалары
| р/с № | Атауы | Саны |
| 1-Бөлім. Орта есеппен халықтың жан басына шаққанда азық-түлік өнімдері (грамм/тәулігіне) |
| 1. | Ұнға қайта есептегенде нан өнімдері | 369,8 |
| 2. | 1-сұрыпты байытылған бидай ұны | 31,9 |
