«Темір жол өтпелерін пайдалану қағидасын бекіту туралы» Қазақстан Республикасы Көлік және коммуникация министрінің 2011 жылғы 25 наурыздағы № 168 бұйрығына өзгерістер енгізу туралы
Қазақстан Республикасы Көлік министрінің м.а. 2024 жылғы 5 желтоқсандағы № 397 бұйрығы
БҰЙЫРАМЫН:
1. «Темір жол өтпелерін пайдалану қағидасын бекіту туралы» Қазақстан Республикасы Көлік және коммуникация министрінің 2011 жылғы 25 наурыздағы № 168 бұйрығына (Нормативтік құқықтық актілерді мемлекеттік тіркеу тізілімінде № 6899 болып тіркелген) мынадай өзгерістер енгізілсін:
көрсетілген бұйрықтың тақырыбына мемлекеттік тілде өзгеріс енгізіледі, орыс тіліндегі мәтін өзгермейді:
«Теміржол өткелдерін техникалық пайдалану, қызмет көрсету және жөндеу қағидаларын бекіту туралы»;
көрсетілген бұйрықпен бекітілген Теміржол өткелдерін техникалық пайдалану, қызмет көрсету және жөндеу қағидаларында:
2-тармақтың 15) тармақшасы мынадай редакцияда жазылсын:
1-тармақтың алтыншы абзацы 2024 ж. 4 желтоқсанда қолданысқа енгізілді
«15) жүргізуші - көлік құралын басқаратын адам, жол бойымен малды, табынды, жүк артылған, жегілген малды немесе мініс малын айдаушы. Білім беру процесі кезінде жүргізуге оқыту шебері жүргізушіге теңестіріледі;»;
19-тармақ мынадай редакцияда жазылсын:
«19. Өткелдердің барлық жайластырылуы осы Қағидалардың, Қазақстан Республикасы Инвестициялар және даму министрінің 2015 жылғы 30 сәуірдегі № 544 бұйрығымен (Нормативтік құқықтық актілерді мемлекеттік тіркеу тізілімінде № 11897 болып тіркелген) бекітілген Темір жол көлігін техникалық пайдалану қағидаларының, Қазақстан Республикасы Ішкі істер министрінің 2023 жылғы 30 маусымдағы № 534 бұйрығымен (Нормативтік құқықтық актілерді мемлекеттік тіркеу тізілімінде № 33003 болып тіркелген) бекітілген Қазақстан Республикасының жол жүрісі қағидаларының (бұдан әрі - ЖЖҚ) талаптарына сәйкес келеді.»;
96-тармақ мынадай редакцияда жазылсын:
«96. Пойыздың, локомотивтің немесе дрезинаның өтуі кезінде өткел бойынша кезекші мынадай жағдайларда тоқтау сигналын береді:
