2025 жылға дейін Алматы қаласы үшін қоршаған орта сапасының нысаналы көрсеткіштерін бекіту туралы
VI сайланған Алматы қаласы мәслихатының кезектен тыс LII сессиясының 2019 жылғы 9 тамыздағы № 379 шешiмi
VIII сайланған Алматы қаласы мәслихатының кезектен тыс XXIX сессиясының 2025 жылғы 28 сәуірдегі № 208 шешiмiмен күші жойылды
Қазақстан Республикасының 2007 жылғы 9 қаңтардағы Экологиялық кодексінің 19-бабы 3) тармақшасына сәйкес, VІ сайланған Алматы қаласының мәслихаты ШЕШІМ ҚАБЫЛДАДЫ:
1. Осы шешімнің қосымшасына сәйкес 2025 жылға дейін Алматы қаласы үшін қоршаған орта сапасының нысаналы көрсеткіштері бекітілсін.
2. Алматы қаласы Мәслихатының аппараты осы шешімді әділет органдарында мемлекеттік тіркеуді, кейіннен ресми және мерзімді баспа басылымдарында, сондай-ақ Қазақстан Республикасы нормативтік құқықтық актілерінің Эталондық бақылау банкінде және ресми интернет-ресурсында жариялауды қамтамасыз етсін.
3. Осы шешімнің орындалуын бақылау Алматы қаласы мәслихатының кәсіпкерлікті және коммуналдық шаруашылықты дамыту жөніндегі тұрақты комиссиясының төрағасы К.В. Авершинге және Алматы қаласы әкімінің орынбасары С.Қ. Тұяқбаевқа (келісім бойынша) жүктелсін.
4. Осы шешім алғашқы ресми жарияланған күннен кейін күнтізбелік он күн өткен соң қолданысқа енгізіледі.
| VI сайланған Алматы қаласы мәслихатының кезектен тыс LII сессиясының төрағасы, мәслихат хатшысы | Қ. Қазанбаев |
Алматы қаласы мәслихатының
2019 жылғы 9 тамыздағы
№ 379 шешіміне қосымша
«Атмосфералық ауа» бөлімі бойынша Алматы қаласы үшін қоршаған орта сапасының нысаналы
көрсеткіштері
| Нысаналы көрсеткіштер тізбесі | Нысаналы көрсеткіштердің кезеңдер бойынша мәндері |
| Өлшем бірлігі | Алғашқы деңгейі | 2020 жыл | 2022 жыл | 2025 жыл |
| Атмосфераға стационарлық көздерден тарайтын ластаушы заттардың жалпы шығарындысы, (нормативтік көлем). | тонна жылына | 74 969 | 72 012 | 72 012 аспайтын | 72 012 аспайтын |
| Атмосфераға жылжымалы көздерден тарайтын ластаушы заттардың жалпы шығарындысы. | тонна жылына | 80 000 | 67 000 | 54 000 | 38 000 |
