Ақтау халықаралық теңіз сауда порты мен Баутино теңіз сауда портының акваторияларын қоса алғанда теңіз портының шекараларын айқындау туралы
Маңғыстау облысы әкімдігінің 2026 жылғы 6 сәуірдегі № 62 Қаулысы
«Қазақстан Республикасындағы жергілікті мемлекеттік басқару және өзін-өзі басқару туралы», «Сауда мақсатында теңізде жүзу туралы» Қазақстан Республикасының заңдарына сәйкес Маңғыстау облысының әкімдігі ҚАУЛЫ ЕТЕДІ:
1. Осы қаулының 1-қосымшасына сәйкес Ақтау халықаралық теңіз сауда порты мен Баутино теңіз сауда портының шекаралары айқындалсын.
2. Осы қаулының 2-қосымшасына сәйкес Ақтау халықаралық теңіз сауда порты мен Баутино теңіз сауда порты акваторияларының шекаралары айқындалсын.
3. «Маңғыстау облысының жолаушылар көлігі және автомобиль жолдары басқармасы» мемлекеттік мекемесі Қазақстан Республикасының заңнамасында белгіленген тәртіпте:
1) осы қаулыға қол қойылған күнінен бастап бес жұмыс күні ішінде оның қазақ және орыс тілдеріндегі электрондық түрдегі көшірмесін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнының Маңғыстау облысы бойынша филиалына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберілуін;
2) осы қаулының ресми жарияланғанынан кейін оның Маңғыстау облысы әкімдігінің интернет-ресурсында орналастырылуын қамтамасыз етсін.
4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Маңғыстау облысы әкімінің міндетін атқарушы | А. Оралов |
Маңғыстау облысы әкімдігінің
2026 жылғы 6 сәуірдегі
№ 62 қаулысына 1-қосымша
Ақтау халықаралық теңіз сауда портының және Баутино теңіз сауда портының шекаралары
