Жануарлар дүниесін қорғау, өсімін молайту және пайдалану саласында құрметті атақтар, төс белгілерін және құрмет грамоталарын беру қағидасын бекіту туралы
Қазақстан Республикасы Ауыл шаруашылығы министрлігінің 2012 жылғы 26 наурыздағы № 25-03-02/120 бұйрығы
(2015.09.07. берілген өзгерістер мен толықтырулармен)
Осы редакция 2019 жылғы 17 маусымда енгізілген өзгерістеріне дейін қолданылды
ҚР Ауыл шаруашылығы министрінің 2015.09.07. № 18-03/624 бұйрығымен кіріспе жаңа редакцияда (бұр.ред.қара)
«Жануарлар дүниесін қорғау, өсімін молайту және пайдалану туралы» Қазақстан Республикасының 2004 жылғы 9 шілдедегі Заңының 9-бабы 1-тармағының 33) тармақшасына сәйкес БҰЙЫРАМЫН:
1. Қоса беріліп отырған Жануарлар дүниесін қорғау, өсімін молайту және пайдалану саласында құрметті атақтар, төс белгілерін және құрмет грамоталарын беру қағидасы бекітілсін.
2. Қазақстан Республикасы Ауыл шаруашылығы министрлігінің Орман және аңшылық шаруашылығы комитеті (Нысанбаев Е.Н.) осы бұйрықтың Қазақстан Республикасы Әділет министрлігінде мемлекеттік тіркелуін және оның ресми жариялануын қамтамасыз етсін.
3. Осы бұйрық алғашқы ресми жарияланған күнінен бастап он күнтізбелік қүн өткен соң қолданысқа енгізіледі.
Қазақстан Республикасы
Ауыл шаруашылығы министрінің
2012 жылғы 26 наурыздағы
№ 25-03-02/120 бұйрығымен
бекітілген
Жануарлар дүниесін қорғау, өсімін молайту және пайдалану саласында құрметті атақтар,
төсбелгілер және құрмет грамоталарын беру
қағидасы
1. Жалпы ережелер
1. Осы Жануарлар дүниесін қорғау, өсімін молайту және пайдалану саласында құрметті атақтар, төсбелгілер және құрмет грамоталарын беру Қағидасы «Жануралар дүниесін қорғау, өсімін молайту және пайдалану туралы» Заңға сәйкес әзірленді және жануарлар дүниесін қорғау, өсімін молайту және пайдалану саласында құрметті атақтар, төсбелгілер және құрмет грамоталарын беру тәртібін айқындайды.
