Қазақстанның Даму Банкінің қаржылық тұрақтылығының параметрлерін (коэффициенттерін), олардың шекті мәндерін айқындау және Қазақстанның Даму Банкінің қаржылық тұрақтылығы параметрлерінің (коэффициенттерінің) шекті мәндерін есептеу әдістемесін бекіту туралы
Қазақстан Республикасы Үкіметінің 2015 жылғы 22 сәуірдегі № 250 Қаулысы
(2016.31.10. берілген өзгерістермен)
Осы редакция 2021 жылғы 29 желтоқсанда енгізілген өзгерістеріне дейін қолданылды
«Қазақстанның Даму Банкі туралы» 2001 жылғы 25 сәуірдегі Қазақстан Республикасы Заңының 16-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қазақстанның Даму Банкінің қаржылық тұрақтылығының мынадай параметрлері (коэффициенттері) айқындалсын:
1) бірінші деңгейдегі капиталдың жеткіліктілік коэффициенті;
2) екінші деңгейдегі капиталдың жеткіліктілік коэффициенті;
3) борыштық жүктеме деңгейі.
2. Қоса беріліп отырған Қазақстанның Даму Банкінің қаржылық тұрақтылығы параметрлерінің (коэффициенттерінің) шекті мәндерін есептеу әдістемесі бекітілсін.
ҚР Үкіметінің 2016.31.10. № 633 Қаулысымен 3-тармақ жаңа редакцияда (бұр.ред.қара)
3. «Қазақстан Даму Банкінің қаржылық тұрақтылығы параметрлерінің (коэффициенттерінің) мынандай шекті мәндері айқындалсын:
1) бірінші деңгейдегі капиталдың жеткіліктілік коэффициенті кемінде 0,08;
2) екінші деңгейдегі капиталдың жеткіліктілік коэффициенті кемінде 0,10;
3) борыштық жүктеме деңгейі 7:1 аспайтын мөлшерде.
4. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2015 жылғы 22 сәуірдегі
№ 250 қаулысымен
бекітілген
Қазақстанның Даму Банкінің қаржылық тұрақтылығы параметрлерінің (коэффициенттерінің) шекті мәндерін есептеу
әдістемесі
1. Негізгі ережелер
